பாண்டியராஜ் இயக்கத்தில் சிம்பு, நயன்தாரா, ஆண்ட்ரியா உள்பட பலர் நடித்த 'இது நம்ம ஆளு' திரைப்படம் வரும் ஏப்ரல் 14ஆம் தேதி தமிழ்ப் புத்தாண்டு இருந்தாக வெளிவரும் என எதிர்பார்த்த நிலையில் தற்போது இந்த படத்தின் ரிலீஸ் தேதி மே 6 என கூறப்படுகிறது.

ஏப்ரல் 14-ல் விஜய்யின் 'தெறி'யும், ஏப்ரல் இறுதியில் சூர்யாவின் '24' படமும் ரிலீஸ் ஆகவுள்ள நிலையில் இந்த இரண்டு படங்களை அடுத்து 'இது நம்ம ஆளு' படம் ரிலீஸ் ஆகும் என கூறப்படுகிறது. இதுக்குறித்த அதிகாரபூர்வ அறிவிப்பு இன்னும் ஓரிரு நாட்களில் வெளியாகும் என தெரிகிறது.

சிம்புவின் சகோதரர் குறளரசன் இசையில் உருவாகியுள்ள இந்த படத்தின் பாடல்கள் சமீபத்தில் வெளியாகி சூப்பர் ஹிட் ஆகியுள்ளது. மேலும் இந்த படத்தின் டீசர், டிரைலர் என அனைத்துமே நல்ல வரவேற்பை பெற்றுள்ளதால் இந்த படத்திற்கு பெரும் எதிர்பார்ப்பு ஏற்பட்டுள்ளது என்பது குறிப்பிடத்தக்கது.