ஏப்ரலில் விஜய்யின் 'தெறி' மற்றும் சூர்யாவின் '24' ஆகிய படங்கள் மற்றும் மே மாதத்தில் ரஜினியின் 'கபாலி' போன்ற பெரிய படங்கள் ரிலீஸ் ஆகும் என எதிர்பார்க்கப்படும் நிலையில் கோடை விடுமுறை முடியும் மே கடைசி வாரத்தில் ஒருசில முக்கிய திரைப்படங்களை வெளியிட திட்டமிடப்பட்டுள்ளதாக தெரிய வந்துள்ளது.

சிம்பு நடிப்பில் கவுதம் மேனன் இயக்கியுள்ள பெரும் எதிர்பார்ப்பிற்குரிய திரைப்படமான 'அச்சம் என்பது மடமையடா' திரைப்படம் வரும் மே மாதம் 27ஆம் தேதி ரிலீஸ் செய்ய திட்டமிடப்பட்டுள்ளதாக கூறப்படுகிறது.

அதே நாளில் கார்த்திக் சுப்புராஜ் இயக்கத்தில் விஜய்சேதுபதி நடித்த 'இறைவி' மற்றும் ஜீவா, நயன்தாரா நடித்த 'திருநாள்' ஆகிய படங்கள் ரிலீஸ் ஆக அதிக வாய்ப்பு இருப்பதாக கூறப்படுகிறது.

இந்நிலையில் ஏப்ரல் முதல் வாரத்தில் சிம்புவின் 'இது நம்ம ஆளு' ரிலீஸ் ஆகிறது என்பது குறிப்பிடத்தக்கது.