சிம்புவின் அடுத்த படம் அடல்ட்ஸ் ஒன்லி படமா?
- IndiaGlitz, [Sunday,May 29 2016]
சிம்பு, நயன்தாரா நடித்த 'இது நம்ம ஆளு' திரைப்படம் நேற்று முன் தினம் வெளியாகி பாசிட்டிவ் விமர்சனங்களை பெற்று அனைத்து திரையரங்குகளிலும் வெற்றிகரமாக ஓடிக்கொண்டிருக்கின்றது. இந்நிலையில் சிம்பு நடிப்பில் கவுதம் மேனன் இயக்கியுள்ள 'அச்சம் என்பது மடமையடா' திரைப்படம் வரும் ஜூலை 15ஆம் தேதி ரிலீஸ் ஆகும் என எதிர்பார்க்கப்படுகிறது.
இந்நிலையில் சிம்புவின் அடுத்த படத்தை 'த்ரிஷா இல்லைனா நயன்தாரா' இயக்குனர் ஆதிக் ரவிச்சந்திரன் இயக்கவுள்ளார். 'அன்பானவன் அசராதவன் அடங்காதவன்' என்ற டைட்டில் வைக்கப்பட்டுள்ள இந்த படத்தின் கதை அடல்ட்ஸ் கதை என்றும் இந்த படத்திற்கு ஆதிக்கின் முந்தைய படம் போலவே 'ஏ' சர்டிபிகேட் கிடைக்க அதிக வாய்ப்புகள் இருப்பதாகவும் கூறப்படுகிறது.
இந்த படத்தில் சிம்பு மூன்று வித்தியாசமான கெட்டப்களில் நடிக்கவிருப்பதாகவும் சிம்புவுக்கு ஜோடியாக மூன்று முன்னணி நடிகைகள் இந்த படத்தில் நடிக்கவுள்ளதாகவும், நாயகிகளின் தேர்வு விறுவிறுப்பாக நடைபெற்று வருவதாகவும் கூறப்படுகிறது.