சிம்புவின் 'AAA' டீசருக்கு முன் ஒரு மினிடீசர்
- IndiaGlitz, [Monday,October 03 2016]
ஆதிக் ரவிச்சந்திரன் இயக்கத்தில் சிம்பு மூன்று வித்தியாசமான வேடங்களில் நடித்துவரும் 'அன்பானவன் அசராதவன் அடங்காதவன்' படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் மதுரை மைக்கேல் டீசர் வரும் 8ஆம் தேதி வெளியாகும் என்ற செய்தியை ஏற்கனவே பார்த்தோம்
இந்நிலையில் 8ஆம் தேதி வெளியாகவுள்ள டீசருக்கு முன்பு ஒரு மினி டீசரை படக்குழுவினர் இணையதளத்தில் தற்போது வெளியிட்டுள்ளனர். 19 வினாடிகள் மட்டுமே உள்ள இந்த டீசரில் 'மதுரை மைக்க்லேலாம் மதுரை மைக்கேல், மதுரை இங்க இருக்கு மைக்கேல் எங்கே? என்று வில்லன் கேட்க அடுத்த காட்சியில் நான்கு டயர்களிலும் தீப்பொறி பறக்க ஒரு கார் வருகிறது.
ஒரு ஆக்சன் படத்துக்கு உரிய அத்தனை அம்சங்களும் இந்த மினி டீசரிலேயே இருப்பதால் இந்த படம் பெரும் எதிர்பார்ப்பை ஏற்படுத்தியுள்ளது. மேலும் வரும் 8ஆம் தேதி டீசர் வெளியானதும் அதன் விமர்சனத்தை பார்ப்போம்