தேர்தல் பிரச்சார பணியில் திடீரென இறங்கும் சிம்பு
- IndiaGlitz, [Monday,May 09 2016]
சிம்பு நடித்த 'இது நம்ம ஆளு' திரைப்படத்தின் ரிலீஸ் தேதி வரும் 20ஆம் தேதி என்று கூறப்படும் நிலையில் அதற்கு முன்னதாக சிம்புவின் தனிப்பாடல் ஒன்று ரிலீஸ் ஆகவுள்ளதாக கூறப்படுகிறது.
இதற்கு முன்னர் சிம்பு பல தனிப்பாடல்களை வெளியிட்டுள்ள நிலையில் தமிழகத்தில் சட்டமன்ற தேர்தல் நடைபெறுவதை அடுத்து நாளை மறுநாள் புதன்கிழமை அதாவது மே 11ஆம் தேதி ஓட்டு போடுவதன் அவசியம் குறித்த ஒரு தனிப்பாடலை அவர் வெளியிடவுள்ளதாக தகவல்கள் வெளிவந்துள்ளது.
இந்த முறை 100% வாக்களிப்பு நடத்த வேண்டும் என்று தேர்தல் ஆணையம் முயற்சி செய்து வரும் நிலையில் சிம்புவின் இந்த பாடல் இளைஞர்களிடையே 'வாக்களிக்கும்' விழிப்புணர்வை ஏற்படுத்தும் என்று எதிர்பார்க்கப்படுகிறது. அரசியல் கட்சி தலைவர்கள் தீவிர தேர்தல் பிரச்சார பணியில் ஈடுபட்டு கொண்டிருக்கும் நிலையில் சிம்புவின் இந்த விழிப்புணர்வு பிர்ச்சாரம் எந்த அளவுக்கு தாக்கத்தை ஏற்படுத்தும் என்பதை பொறுத்திருந்து பார்ப்போம்