ஜல்லிக்கட்டுக்கு ஆதரவாக கொதித்தெழும் சிம்பு
- IndiaGlitz, [Wednesday,January 11 2017]
ஜல்லிக்கட்டுக்கு ஆதரவாக கிட்டத்தட்ட கோலிவுட் திரையுலகமே குரல் கொடுத்து வருவது தெரிந்ததே. இந்த வகையில் எந்த கருத்தையும் தைரியமாக முன்வைக்கும் நடிகர் சிம்பு ஜல்லிக்கட்டுக்காக முதன்முதலில் குரல் கொடுத்தவர்களில் ஒருவர்.
இந்நிலையில் கடந்த சில நாட்களாக ஜல்லிக்கட்டுக்கு ஆதரவாக மாணவர்கள் தெருவில் இறங்கி போராடி வருகின்றனர். இந்த போராட்டம் இன்று உச்சகட்டமாக நடந்த நிலையில் போராட்டம் செய்த மாணவர்கள் மீது காவல்துறையினர் தடியடி நடத்தியுள்ளனர்.
இதற்கு நடிகர் சிம்பு கடும் கண்டனம் தெரிவித்துள்ளார். ஜல்லிக்கட்டுக்கு ஆதரவாக போராடிய மாணவர்கள் மீது தடியடி நடத்தியதை கேட்டு என் இதயத்தில் ரத்தம் வடிகிறது. சகோதரர்களே உங்களுக்காக நான் இருக்கின்றேன். இனியும் பொறுக்க முடியாது' என்று கூறியுள்ளார்.
மேலும் தமிழர்கள் யார் என்பதை காட்டும் நேரம் வந்துவிட்டது. உண்மையான தமிழர்கள் என்ன செய்வார்கள் என்பதை பொறுத்திருந்து பாருங்கள் என்று ஆவேசமாக சிம்பு தனது சமூக வலைத்தளத்தில் பதிவு செய்துள்ளார்.