சிம்பு-அனிருத்தை இணைத்து வைத்த பேய்ப்பாடல்
- IndiaGlitz, [Thursday,September 08 2016]
கோலிவுட் திரையுலகில் இளம் இசைப்புயல் அனிருத் இசையமைத்து வரும் முதல் திகில் படம் 'ரம்', இந்த படத்திற்காக சமீபத்தில் பேயோபோபிலியா என்ற பாடலை அனிருத் கம்போஸ் செய்துள்ளார். இந்த பாடலை கம்போஸ் செய்யும்போதே சிம்புதான் இந்த பாடலை பாட வேண்டும் என அனிருத் முடிவு செய்ததாகவும் அதன்படி சிம்புவிடம் தனது ஆசையை சொல்ல, சிம்புவும் உடனே இந்த பாடலை பாடி கொடுத்துள்ளார்.
அனிருத்தின் துள்ளல் இசையில் சிம்புவின் குரலில் உருவாகியிருக்கும் இந்த பாடல் நிச்சயம் அனைத்து தரப்பு ரசிகர்களையும் கவரும் என எதிர்பார்க்கப்படுகிறது. 'பேயோபோபிலியா' பாடல், ஒரு வீட்டில் நடக்கும் அமானுஷிய நிகழ்வுகளை கொண்டு உருவாக்கப்பட்டுள்ளதாகவும், இந்த பாடல் பேய்களுக்கு நாம் பயப்பட வேண்டுமா, வேண்டாமா என்பதை மையமாக கொண்டு உருவாக்கப்பட்டுள்ளதாகவும், அதுமட்டுமின்றி இந்த பாடல், பேய்களை விட நாம் வாழுகின்ற இந்த உலகம் அதி பயங்கரமானது என்கின்ற கருத்தை முன் நிறுத்தும் என்றும் அனிருத் கூறியுள்ளார்.
ஆல் இன் பிச்சர்ஸ்' விஜய ராகவேந்திரா தயாரிப்பில், அறிமுக இயக்குனர் சாய் பரத் இயக்கி இருக்கும் 'ரம்' படத்தில் ரிஷிகேஷ், சஞ்சிதா ஷெட்டி, மியா ஜார்ஜ், விவேக், நரேன், அம்ஜத் மற்றும் அர்ஜுன் ஆகியோர் முன்னணி கதாப்பாத்திரங்களில் நடித்துள்ளனர்.