தமிழகர்களின் பாரம்பரிய கலைகளில் ஒன்று சிலம்பக்கலை. இன்றும் கிராமங்களில் திருவிழாவின்போது சிலம்பச்சண்டை ஒரு முக்கிய பகுதியாக இடம்பெறும்.

இந்த நிலையில் திரையில் அஜித், விஜய், சூர்யா, கார்த்தி உள்பட முன்னணி நடிகர்களுக்கு சிலம்பம் பயிற்சி கொடுத்தவர் சிலம்ப மாஸ்டர் பவர் S. பாண்டியன் ஆவார். இளையதலைமுறை நடிகர்களுக்கு சிலம்ப ஆசானாக இருக்கும் இவர் தற்போது அகில இந்திய சிலம்பம் கூட்டமைப்பின் செயல் தலைவராக தேர்வு செய்யப்பட்டுள்ளார்.

நவம்பர் 26ஆம் தேதி அகில இந்திய சிலம்பம் கூட்டமைப்பின் நிர்வாகிகளுக்கான தேர்தல் மற்றும் ஆண்டு பொது குழுக்கூட்டம் சென்னை தாம்பரத்தில் உள்ள தனலட்சுமி பொறியியல் கல்லூரியில் நடைபெற்றது.

இதில் அகில இந்திய சிலம்பம் கூட்டமைப்பின் தலைவாராக டாக்டர் நைனார் மனோஜ் அவர்களும் செயல் தலைவராக பவர் S. பாண்டியன் ஆசான் அவர்களும் தேர்வு செய்யப்பட்டனர்.

மேலும் துணை தலைவர்களாக G. பாலா , திரு. ராதா கிருஷ்ணன் ஆகியோர்களும், பொது செயலாளராக ஐரின் செல்வராஜ் அவர்களும், கூட்டு செயலாளராக பத்ரிநாத், S. பாண்டே ஆகியோர்களும், பொருளாளராக S. முத்து கிருஷ்ணன் அவர்களும்,
தொழில்நுட்ப குழு தலைவராக செல்வராஜ் ஆசான் அவர்களும் தேர்வு செய்யப்பட்டனர்.