சிம்பு-அனிருத் இணைந்து தயாரித்த 'பீப் பாடல்' குறித்த சர்ச்சைகள் நாளுக்கு நாள் நீண்டுகொண்டே இருக்கும் நிலையில் இந்த பாடலை தான் கம்போஸ் செய்யவில்லை என அனிருத் கூறியதை ஏற்கனவே பார்த்தோம். இந்நிலையில் சிம்பு இதுகுறித்து நேற்று தனது சமூக வலைத்தளத்தில் விளக்கம் அளித்துள்ளார்.

தன்மீது சுமத்தப்பட்ட குற்றச்சாட்டுக்களை தாம் சட்டப்படி எதிர்கொள்ள தயார் என்றும் தான் ஓடி ஒளியற ஆள் இல்லை என்றும் தனக்கு கடவுள் மீது முழு நம்பிக்கை இருப்பதால், கடவுள் தன்னை காப்பாற்றுவார் என்றும் கூறியுள்ளார். மேலும் தன்னுடைய உண்மை மற்றும் நேர்மை தன்னை நிச்சயம் காப்பாற்றும் என்ற தன்னம்பிக்கை தனக்கு இருப்பதாகவும் சிம்பு கூறியுள்ளார்.

சிம்புவின் இந்த பதிவை அவருடைய ஆயிரக்கணக்கான ரசிகர்கள் ரீடுவீட் செய்தும், லைக் செய்தும் உள்ளனர் என்பது குறிப்பிடத்தக்கது. முன்னதாக இந்த பாடல் தனது தனிப்பட்ட பாடல் என்றும், தன்னுடைய மொபைல் போனில் இருந்து யாரோ திருடி இணையத்தில் திருட்டுத்தனமாக பதிவு செய்துவிட்டனர் என்றும் சிம்பு தெரிவித்திருந்தார் என்பது குறிப்பிடத்தக்கது.