అవ‌స‌ర‌మైతే స్కిన్ షోకి రెడీ - సిద్ధార్ధ హీరోయిన్ రాగిని
- IndiaGlitz, [Friday,September 09 2016]
మొగ‌లిరేకులు సీరియ‌ల్ తో బాగా పాపుల‌ర్ అయిన సాగ‌ర్ హీరోగా న‌టించిన తాజా చిత్రం సిద్దార్ధ. ఈ చిత్రాన్ని ద‌యానంద్ రెడ్డి తెర‌కెక్కించారు. దాస‌రి కిర‌ణ్ కుమార్ ఈ చిత్రాన్ని నిర్మించారు. యాక్ష‌న్ బ్యాక్ డ్రాప్ తో రూపొందిన సిద్దార్థ చిత్రం ఈనెల 16న ప్రేక్ష‌కుల ముందుకు వ‌చ్చేందుకు రెడీ అవుతుంది.
ఈ సంద‌ర్భంగా సిద్ధార్ధ హీరోయిన్ రాగిని మాట్లాడుతూ....త‌మిళ్ లో విజ‌య్ తో, మ‌ల‌యాళంలో మోహ‌న్ లాల్ తో క‌లిసి న‌టించాను. తెలుగులో నా తొలి చిత్ర‌మిది. యాక్ష‌న్ బ్యాక్ డ్రాప్ లో ఉండే ల‌వ్ స్టోరీ ఇది. ఈ చిత్రంలో నా పాత్ర డిఫ‌రెంట్ గా ఉంటుంది. రెండు విభిన్న కోణాలున్న ఈ పాత్ర‌లో ఒక‌టి బ‌బ్లీగా ఉంటే, రెండోది ఎమోష‌న‌ల్ గా ఉంటుంది. సీరియ‌ల్ ద్వారా బాగా పాపుల‌ర్ అయిన సాగ‌ర్ తో క‌లిసి న‌టించడం ఆనందంగా ఉంది. సెట్స్ లో డైలాగ్స్ విష‌యంలో నేను ఎలా చెబితే బాగుంటుందో చెబుతూ సాగ‌ర్ బాగా హెల్ప్ చేసారు. నా తొలి చిత్రానికే మంచి క‌థ రూపొందిన విభిన్న‌మైన సినిమాలో న‌టించే అవ‌కాశం రావ‌డం ల‌క్కీగా ఫీల‌వుతున్నాను. నాకు తెలుగు హీరోల్లో మ‌హేష్ బాబు అంటే చాలా ఇష్టం. స్కిన్ షో విష‌యానికి వ‌స్తే....పాత్ర ప‌రిధి మేర‌కు అవ‌స‌ర‌మైతే స్కిన్ షో చేస్తాను త‌ప్ప కావాల‌ని స్కిన్ షో చేయ‌ను. కామెడీ, ఎమోష‌న్, సాంగ్స్...ఇలా ప్రేక్ష‌కులు కోరుకునే అన్ని అంశాలు ఈ చిత్రంలో ఉన్నాయి. సిద్ధార్ధ సినిమాని చూసి ఆద‌రించాలి అని కోరుకుంటున్నాను అన్నారు.