கமல்ஹாசனை அடுத்து மாணவர்கள் போராட்டத்திற்கு நேரில் ஆதரவு தந்த நடிகர்
- IndiaGlitz, [Thursday,December 19 2019]
குடியுரிமை சீர்திருத்த சட்டத்திற்கு எதிராக மாணவர்கள் போராடி வரும் நிலையில் போராடும் மாணவர்களுக்கு நேற்று கமல்ஹாசன் நேரில் சென்று தனது ஆதரவை தெரிவித்தார். இந்த நிலையில் கமலஹாசனை அடுத்து தற்போது நடிகர் சித்தார்த் அவர்கள் தனது ஆதரவை தெரிவித்துள்ளார்
இன்று அவர் மாணவர்களிடையே அவர் உரையாற்றும்போது ’ஆவணங்கள் எதுவும் இல்லாதவர்களுக்கு நாடு கிடையாதா? ஒரு குறிப்பிட்ட மதத்திற்கு மட்டும் ஆவணங்கள் இல்லை என்றால் குடியுரிமை கிடையாது என்று சொல்வது எந்த விதத்தில் நியாயம்? மற்ற மதத்தவர்களை மட்டும் ஆவணங்கள் இல்லாமல் குடியுரிமை தரும் அரசாங்கம் இஸ்லாமிய மதத்திற்கு மட்டும் ஆவணங்களை கேட்பது ஏன் என்ற கேள்வியை எழுப்பினார்
மேலும் மாணவர்கள் ஒவ்வொருவருக்கும் போராடுவதற்கு உரிமை உள்ளது என்றும் உங்களுடைய கருத்துக்களை நீங்கள் அமைதியான வழியில் தெரிவிக்கலாம் என்றும் அதே நேரத்தில் போராடும் போது கவனமாக வார்த்தைகளை உபயோகப் படுத்த வேண்டும் என்றும் எந்த நிலையிலும் வன்முறையை கையில் எடுக்க வேண்டாம் என்றும் கூறிய சித்தார்த் மாணவர்களை தூண்டி விடுவதாக கூறுவது தவறு என்றும் மாணவர்கள் தங்களுடைய சொந்த கருத்துக்களை தெரிவித்து அமைதியான வழியில் போராடி வருகிறார்கள் என்றும் கூறினார் இந்த போராட்டத்திற்கு தனது ஆதரவை என்றும் உள்ளது என்றும் அவர் மேலும் தெரிவித்தார்