பாஜக வெற்றி குறித்து பிரபல நடிகரின் கருத்து
- IndiaGlitz, [Tuesday,May 15 2018]
சமீபத்தில் நடந்து முடிந்த கர்நாடக தேர்தலின் முடிவுகள் பாஜகவுக்கு சாதகமாக வந்து கொண்டிருக்கின்றது. அந்த கட்சி கர்நாடகாவில் யாருடைய உதவியும் இன்றி தனிப்பெரும்பான்மையுடன் ஆட்சி அமைக்கும் என்று எதிர்பார்க்கப்படுகிறது.
கருத்துக்கணிப்புகளை பொய்யாக்கி ஆட்சியை பிடித்துள்ள பாஜகவுக்கு வாழ்த்துக்கள் குவிந்து வரும் நிலையில் நடிகர் சித்தார்த் பாஜகவுக்கு வாழ்த்து தெரிவித்துள்ளார். அவர் தனது சமூக வலைத்தளத்தில் கூறியதாவது: கடந்த சில ஆண்டுகளாகவே பாஜக தொடர்ச்சியான வெற்றியை பெற்று வருகிறது. அரசியல் கட்சியில் வித்தியாசமாக செயலாற்றி வரும் பாஜக, தனது பணியை சிறப்பாகவே செய்து வருகிறது.
காங்கிரஸ் கட்சி தனது தோல்விக்கு எந்த சாக்கையும் சொல்ல முடியாது. பாஜகவின் இந்த வெற்றி தென்னிந்தியாவுக்கே ஒரு முக்கியமானதாக கருதப்படுகிறது' என்று சித்தார்த் கூறியுள்ளார்.