திருமணத்திற்கு முன்பு ஒரு ஜாலி ட்ரிப்.. சித்தார்த் - அதிதி எந்த நாட்டில் இருக்கிறார்கள் தெரியுமா?
- IndiaGlitz, [Sunday,June 02 2024]
நடிகர் சித்தார்த் மற்றும் நடிகை அதிதி ராவ் ஹைத்ரி ஆகிய இருவரும் கடந்த மார்ச் மாதம் திருமண நிச்சயதார்த்தம் செய்து கொண்ட நிலையில் அது குறித்த புகைப்படங்கள் இணையத்தில் வைரல் ஆகியது என்பதை பார்த்தோம்.
இந்த நிலையில் சித்தார்த் மற்றும் அதிதி திருமணம் வரும் டிசம்பர் மாதம் நடைபெற இருப்பதாக கூறப்படும் நிலையில் இருவரும் திருமணத்திற்கு முன்பே ஜாலியாக வெளிநாட்டு சுற்றுலா சென்ற புகைப்படம் இணையத்தில் வைரல் ஆகி வருகிறது.
இத்தாலி நாட்டில் சித்தார்த் மற்றும் அதிதி ஆகிய இருவரும் இயற்கை எழில் கொஞ்சும் அழகிய இடத்தில் இருக்கும் காட்சிகளின் புகைப்படங்கள் அதிதி இன்ஸ்டாகிராம் பக்கத்தில் பதிவு செய்யப்பட்டுள்ள நிலையில் அதற்கு 11 லட்சத்துக்கும் அதிகமான லைக் குவிந்து உள்ளது.
’இந்தியன் 2 ’படத்தின் இசை வெளியீட்டு விழா நேற்று நடந்த நிலையில் அதில் முக்கிய கேரக்டரில் நடித்த சித்தார்த் வரவில்லை என்பது தெரிந்ததே. அவர் அதிதியுடன் வெளிநாட்டு சுற்றுலாவில் இருப்பதால் தான் இந்த விழாவில் கலந்து கொள்ள முடியவில்லை என்று கூறப்பட்ட நிலையில் தற்போது இது குறித்த புகைப்படங்கள் இணையத்தில் வைரல் ஆகி வருகிறது.