நடிகர் சித்தார்த் மற்றும் நடிகை அதிதி ராவ் ஹைத்ரி ஆகிய இருவரும் டேட்டிங் செய்து வருவதாகவும் விரைவில் இருவரும் திருமணம் செய்ய இருப்பதாகவும் கூறப்படுகிறது. இந்த நிலையில் இருவரும் சூப்பர் ஹிட் பாடலுக்கு செம நடனம் ஆடியுள்ள நிலையில் திருமணம் எப்போது? என்று ரசிகர்கள் கமெண்ட்ஸ் பகுதிகளில் கேள்வி எழுப்பு வருகின்றனர்.

இயக்குனர் ஷங்கர் இயக்கிய ’பாய்ஸ்’ என்ற திரைப்படத்தின் மூலம் தமிழ் திரையுலகில் நடிகராக அறிமுகமானவர் சித்தார்த். அதன் பிறகு அவர் பல திரைப்படங்களில் நடித்துள்ளார் என்பதும் தற்போது கமல்ஹாசன் நடிப்பில் உருவாகி வரும் ’இந்தியன் 2’ படத்தில் முக்கிய கேரக்டரில் நடித்து வருகிறார் என்பது குறிப்பிடத்தக்கது.

அதேபோல் மணிரத்னம் இயக்கத்தில் உருவான ‘காற்று வெளியிடை’, ‘செக்க சிவந்த வானம்’ ஆகிய படங்களில் நடித்த அதிதிராவ் ஹைத்ரி கடந்த சில வருடங்களாக சித்தாத்துடன் நெருக்கமாக பழகி வருகிறார் என்றும் இருவரும் விரைவில் திருமணம் செய்ய போகிறார்கள் என்றும் கூறப்படுகிறது.

இந்த நிலையில் விஷால் நடித்த ’எனிமி’ திரைப்படத்தில் இடம்பெற்ற ’மால டம் டம்… மஞ்சர டம் டம்’ என்ற பாடலுக்கு இருவரும் இணைந்து செம நடனம் ஆடியுள்ளனர். இந்த வீடியோவை அதிதி தனது இன்ஸ்டாகிராம் பக்கத்தில் பதிவு செய்துள்ள நிலையில் இந்த வீடியோவின் கமெண்ட்ஸ் பகுதியில் இருவருக்கும் திருமணம் எப்போது? என்ற கேள்வியை ரசிகர்கள் எழுப்பி வருகின்றனர்.

View this post on Instagram

A post shared by Aditi Rao Hydari (@aditiraohydari)