பிரமாண்ட இயக்குனர் ஷங்கர் இயக்கி வரும் 'இந்தியன் 2' திரைப்படத்தின் படப்பிடிப்பில் கமல்ஹாசன் உள்பட படக்குழுவினர் கலந்து கொண்டு முதல்கட்ட படப்பிடிப்பை விறுவிறுப்புடன் நடத்தி வருகின்றனர். இந்த நிலையில் இந்த படத்தின் ஒரு முக்கிய கேரக்டரில் நடிகர் சித்தார்த் நடிக்கவுள்ளார் என்று வெளியான செய்தியை ஏற்கனவே பார்த்தோம்.

இந்த நிலையில் இந்த படத்தில் சித்தார்த், கமல்ஹாசனின் மகனாக நடித்து வருகிறார் என்று கூறப்படுகிறது. 'இந்தியன்' முதல் பாகத்தில் சேனாதிபதி, சந்துரு என இரண்டு கேரக்டர்களில் கமல்ஹாசன் நடித்த நிலையில் சந்துரு கேரக்டரின் மகனாக சித்தார்த் நடிக்க வாய்ப்பு உள்ளதாக கருதப்படுகிறது.

காஜல் அகர்வால் முக்கிய கேரக்டரில் நடித்து வரும் இந்த படம் அனிருத் இசையில் லைகாவின் பிரமாண்டமான தயாரிப்பில் உருவாகி வருகிறது. இந்த படத்தின் அடுத்தகட்ட படப்பிடிப்பு உலகின் எட்டு நாடுகளில் நடைபெறவுள்ளது என்பது குறிப்பிடத்தக்கது.