முதன்முதலாக சசி படத்தில் இணையும் 2 பிரபலங்கள்
- IndiaGlitz, [Thursday,May 05 2016]
விஜய் ஆண்டனி நடிப்பில் இயக்குனர் சசி இயக்கிய 'பிச்சைக்காரன்' திரைப்படம் சமீபத்தில் ரிலீஸாகி ஊடகங்கள் மற்றும் ரசிகர்களின் பேராதரவால் நல்ல வசூலை பெற்றது என்பது அனைவரும் அறிந்ததே. சமீபத்தில் இந்த படம் 50வது நாளை கடந்துள்ள நிலையில் சசி இயக்கவுள்ள அடுத்த படம் குறித்த தகவல் தற்போது வெளிவந்துள்ளது.
சசியின் அடுத்த படத்தில் முதன்முதலில் இளையதலைமுறை நடிகர்களான சித்தார்த் மற்றும் ஜி.வி.பிரகாஷ் இணையவுள்ளனர். இந்த படத்தை பல வெற்றிப்படங்களை தயாரித்த ஸ்ரீதேனாண்டாள் பிலிம்ஸ் நிறுவனம் தயாரிக்கின்றது. இந்த தகவல் ஸ்ரீதேனாண்டாள் பிலிம்ஸ் நிறுவனத்தின் சமூக இணையதள பக்கத்தில் உறுதி செய்யப்பட்டுள்ளது.
ஜி.வி.பிரகாஷ் தற்போது 'எனக்கு இன்னொரு பேர் இருக்கு' படத்தில் நடித்து முடித்துள்ளார். மேலும் அவர் 'புரூஸ்லீ' மற்றும் 'கடவுள் இருக்குறான் குமாரு' ஆகிய படங்களில் நடித்து வருகிறார். அதே போல் 'ஜில் ஜங் ஜக்' படத்தை அடுத்து மலையாளம் மற்றும் தெலுங்கு படங்களில் சித்தார்த் நடித்து வருகிறார் என்பது குறிப்பிடத்தக்கது.