மனைவியுடன் சிபிராஜ் .. வைரலாகும் லேட்டஸ் புகைப்படம்
- IndiaGlitz, [Tuesday,December 06 2022]
நடிகர் சிபிராஜ் தனது மனைவி மற்றும் குடும்பத்தினருடன் இருக்கும் புகைப்படத்தை தனது இன்ஸ்டாகிராமில் பதிவு செய்துள்ள நிலையில் தற்போது வைரலாகி வருகிறது.
தமிழ் திரையுலகின் பிரபல நடிகரான சத்யராஜின் மகன் சிபிராஜ் கடந்த 2003ஆம் ஆண்டு ’ஸ்டூடண்ட் நம்பர் ஒன்’ என்ற திரைப்படத்தின் மூலம் அறிமுகமானார். அதன்பின் தந்தை சத்யராஜுடன் ஒரு சில படங்களில் நடித்த நிலையில் ’நாய்கள் ஜாக்கிரதை’ என்ற படம் அவருக்கு திருப்புமுனையாக அமைந்தது. சமீபத்தில் சிபிராஜ் நடிப்பில் வெளியான ’வட்டம்’ என்ற திரைப்படம் நல்ல வரவேற்பை பெற்றதை அடுத்து தற்போது அவர் இரண்டு தமிழ்ப் படங்களில் நடித்து வருகிறார் என்பது குறிப்பிடத்தக்கது.
இந்த நிலையில் சிபிராஜ் தனது மனைவியுடன் கோவையில் நடந்த திருமண விழாவிற்கு சென்ற புகைப்படத்தை தனது இன்ஸ்டாகிராம் பக்கத்தில் வெளியிட்டுள்ள நிலையில் இந்த புகைப்படத்திற்கு ஏராளமான லைக்ஸ் குவிந்து வருகிறது. மேலும் இந்த புகைப்படத்திற்கு சிபிராஜின் தங்கை திவ்யா சத்யராஜ், நடிகர் பிரசன்னா உள்பட ஏராளமானோர் லைக் செய்துள்ளனர்.
நடிகர் சிபிராஜ் கடந்த 2008ஆம் ஆண்டு ரேவதி என்ற ஐடி துறையில் பணிபுரியும் பெண்ணை திருமணம் செய்து கொண்டார் என்பதும் இந்த தம்பதிகளுக்கு இரண்டு குழந்தைகள் உள்ளனர் என்பது குறிப்பிடத்தக்கது.