சிபிராஜ் நடிக்கும் அடுத்த படத்தின் டைட்டில் அறிவிப்பு
- IndiaGlitz, [Thursday,October 24 2019]
பிரபல நடிகர் சத்யராஜ் மகனும் நடிகருமான சிபிராஜ் தற்போது ’மாயோன்’, ’வால்டர்’ ஆகிய படங்களில் நடித்து வரும் நிலையில் இயக்குனர் பிரதீப் கிருஷ்ணமூர்த்தி இயக்கத்தில் ஒரு படத்தில் சிபிராஜ் நடிக்க ஒப்பந்தமாகியுள்ளார் என்ற செய்தியையும், இந்த படம் ’காவுல்தாரி’ என்ற கன்னட படத்தின் தமிழ் ரீமேக் என்பதையும் ஏற்கனவே பார்த்தோம்.
இந்த நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் சற்றுமுன் வெளியாகியுள்ளது. இதன்படி இந்த படத்திற்கு ‘கபடதாரி’ என்ற டைட்டில் வைக்கப்பட்டுள்ளது. இந்த படத்தில் நந்திதா ஸ்வேதா நாயகியாக நடிக்கவுள்ளார். இவர் ஏற்கனவே விஜய் நடித்த ’புலி’, விஜய்சேதுபதி நடித்த ’இதற்குத்தானா ஆசைப்பட்டாய் பாலகுமாரா’ உள்பட பல தமிழ்ப்படங்களில் நடித்தவர் என்பது குறிப்பிடத்தக்கது.
இயக்குனர் பிரதீப் கிருஷ்ணமூர்த்தி இயக்கத்தில், சைமன்கிங் இசையில், ராசாமதி ஒளிப்பதிவில் ப்ரவீண் படத்தொகுப்பில் உருவாகும் இந்த படத்தின் படப்பிடிப்பு வரும் நவம்பர் 1ம் தேதி முதல் தொடங்க உள்ளது.