ஜீவா-ஹன்சிகா படத்தில் இணையும் சிபிராஜ்
- IndiaGlitz, [Saturday,October 17 2015]
நயன்தாராவுடன் திருநாள், காஜல் அகர்வாலுடன் ''கவலை வேண்டாம்' ஆகிய படங்களில் நடித்து கொண்டிருக்கும் நடிகர் ஜீவா, 'போக்கிரி ராஜா' என்ற படத்தில் ஹன்சிகாவுடனும் நடித்து வருகிறார். இந்த படத்தில் ஜீவா-ஹன்சிகா ஆகிய இருவருமே ஐ.டி. நிறுவனத்தில் பணிபுரியும் ஊழியர்களாக நடிக்கின்றனர். ஜீவா, ஹன்சிகா ஆகிய இருவருக்குமே கார்ப்பரேட் லுக் மிக கச்சிதமாக பொருந்தியுள்ளதாக படக்குழுவினர் தெரிவித்துள்ளனர்.
மேலும் இந்த படத்தின் படப்பிடிப்பு விருகம்பாக்கத்தில் கேன்டீன் செட் ஒன்றில் இருவரும் தேநீர் அருந்தும் காட்சிகள் படமாக்கப்பட்டதாக செய்திகள் வெளிவந்துள்ளது. மேலும் ஹன்சிகாவுக்கு இந்த படத்தின் ஐ.டி.பணிபுரியும் பெண்ணாக மட்டுமின்றி சமூக சேவை செய்பவராகவும் நடித்து வருகிறார். சொந்த வாழ்க்கையில் ஹன்சிகா, பல சேவைகளை செய்து வரும் நிலையில் இந்த கேரக்டர் தனது நிஜவாழ்வை ஒட்டி அமைந்துள்ளதாக அவர் தெரிவித்துள்ளார்.
மேலும் இந்த படத்தில் சிபிராஜ் ஒரு முக்கிய கேரக்டரில் நடிக்கவுள்ளதாகவும், புதுச்சேரியில் நடைபெறவுள்ள அடுத்தகட்ட படப்பிடிப்பில் ஜீவா-ஹன்சிகாவுடன் சிபிராஜ் கலந்து கொள்வார் என்றும் படக்குழுவினர் தெரிவித்துள்ளனர்.