நீண்ட எதிர்பார்ப்பு.. ஒரு வருடத்திற்கு பின் ஓடிடியில் ரிலீஸாகும் சிபி சத்யராஜ் படம்..!
- IndiaGlitz, [Thursday,August 10 2023]
சிபி சத்யராஜ் நடித்த ’மாயோன்’ என்ற திரைப்படம் கடந்த ஆண்டு ஜூன் மாதம் வெளியான நிலையில் ஒரு வருடம் கழித்து நீண்ட எதிர்பார்ப்புக்கு பின்னர் நாளை ஓடிடியில் ரிலீஸ் ஆக இருப்பதாக அறிவிக்கப்பட்டுள்ளது.
சிபி சத்யராஜ், தன்யா ரவிச்சந்திரன், ராதாரவி, கேஎஸ் ரவிக்குமார் உள்பட பலர் நடிப்பில் உருவான திரைப்படம் ’மாயோன்’. அருள்மொழி மாணிக்கம் திரைக்கதை மற்றும் தயாரிப்பில் கிஷோர் இயக்கத்தில் இசைஞானி இளையராஜா இசையில் உருவான இந்த படம் திரையரங்குகளில் வெளியாகி நல்ல வரவேற்பை பெற்றது. இந்த படம் தெலுங்கில் வெளியாகி அங்கும் நல்ல வெற்றியை பெற்றது.
இந்த நிலையில் விரைவில் ஓடிடியில் இந்த படம் ரிலீஸ் ஆகும் என்று கூறப்பட்டது. ஆனால் கிட்டத்தட்ட ஒரு வருடம் கழித்து தற்போது நாளை இந்த படம் அமேசான் பிரைம் ஓடிடியில் வெளியாக இருப்பதாக அறிவிக்கப்பட்டுள்ளது. இந்த தகவலை சிபி சத்யராஜ் தனது சமூக வலைதள பக்கத்தில் உறுதி செய்துள்ளார்.
ஏற்கனவே இந்த வாரம் சிவகார்த்திகேயன் நடித்த ’மாவீரன்’ சரத்குமார் - அசோக் செல்வன் நடித்த ’போர் தொழில்’ ஆகிய திரைப்படங்கள் வெளியாக இருக்கும் நிலையில் ’மாயோன்’ திரைப்படமும் வெளியாவதால் ஓடிடி ரசிகர்களுக்கு கொண்டாட்டம் தான் எங்களது குறிப்பிடத்தக்கது.