கேப்டன் விஜயகாந்தின் மகன் சண்முகப்பாண்டியன் ஏற்கனவே ‘சகாப்தம்’ மற்றும் ‘மதுரை வீரன்’ ஆகிய படங்களில் நடித்துள்ளார் என்பது தெரிந்ததே. தற்போது அவர் ‘மித்ரன்’ என்ற அதிரடி ஆக்சன் படத்தில் நடிக்கவுள்ளார். இந்த படத்தில் சண்முகப்பாண்டியன் போலீஸ் கேரக்டரில் நடிக்கவிருப்பதால் இதற்காக உடல்தகுதி பெற நெதர்லாந்து சென்று உடற்பயிற்சியில் ஈடுபட்டிருந்தார்

இந்த நிலையில் திடீரென கொரோனா காரணமாக ஊரடங்கு பிறப்பிக்கப்பட்டதால் சண்முகப்பாண்டியன் நெதர்லாந்தில் சிக்கி கொண்டார். இந்த நிலையில் பிரபல இயக்குனர் பார்த்திபனின் மகன் ராக்கி பார்த்திபன் ஃபேஸ்டைம் மூலம் சண்முகப்பாண்டியனை போட்டோஷூட் எடுத்துள்ளார். ஆன்லைன் மூலம் வீடியோ மூலம் எடுக்கும் இந்த போட்டோஷூட் தற்போது இணையத்தில் வைரலாகி வருகிறது.

சண்முகப்பாண்டியனும் ராக்கி பார்த்திபனும் நெருங்கிய நண்பர்கள் இருவரும் இணைந்து இந்த இந்த போட்டோஷூட்டை எடுத்துள்ளனர் என்பதும் இந்த போட்டோக்கள் சண்முகப்பாண்டியனின் சமூக வலைத்தளத்தில் பதிவு செய்யபப்ட்டுள்ளது என்பதும் குறிப்பிடத்தக்கது.