శ్రుతి... తెలుగు తెర‌కి
- IndiaGlitz, [Sunday,June 02 2019]
శ్రుతి హాస‌న్ కాసింత గ్యాప్ తీసుకున్నారు.. తెలుగు సినిమాలు చేయ‌డం నుంచి. ఇప్పుడు వ‌రుస సినిమాల‌కు సంత‌కాలు చేస్తూ సైనింగ్ స్ర్పీగా మారిన చెన్నై బ్యూటీ మ‌రో తెలుగు సినిమాకు సంత‌కం చేశార‌ని ఫిల్మ్ న‌గ‌ర్ టాక్‌. ఈ సినిమాలో ర‌వితేజ హీరోగా నటించ‌బోతున్నారు. గోపీచంద్ మ‌లినేని ద‌ర్శ‌క‌త్వం వ‌హించ‌బోతున్నారు. ఇంత‌కు మునుపు శ్రుతిహాస‌న్ ఈ ద‌ర్శ‌కుడి ద‌గ్గ‌ర ప‌నిచేశారు. ఆ సినిమా పేరు 'బ‌లుపు'. 'బ‌లుపు'లో ర‌వితేజ ప‌క్క‌న అంజ‌లితో పాటు శ్రుతిహాస‌న్ కూడా న‌టించారు. సో తాజా సినిమాతో మ‌ళ్లీ 'బ‌లుపు' టీమ్ ఒక్క‌ట‌వుతున్నార‌న్న‌మాట. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. ఈ సినిమా రెగ్యుల‌ర్ షూటింగ్ సెప్టెంబ‌ర్ నుంచి జ‌రుగుతుంద‌ని టాక్‌.