தல 56' படப்பிடிப்பில் அஜீத்தை புகழ்ந்து தள்ளிய ஸ்ருதி
- IndiaGlitz, [Monday,July 13 2015]
சமீபத்தில் இளையதளபதி விஜய்யுடன் 'புலி' படத்தில் நடித்து முடித்துள்ள ஸ்ருதிஹாசன் தற்போது அஜீத்துடன் 'தல 56' படத்தில் நடித்து வருகிறார். இந்த படத்தின் படப்பிடிப்பு இத்தாலியில் உள்ள மிலன் நகரில் நடைபெற்று வரும் நிலையில், படப்பிடிப்பு குறித்தும், அஜீத் குறித்தும் ஸ்ருதிஹாசன் தனது சமூக வலைத்தளத்தில் சில கருத்துக்களை பதிவு செய்துள்ளார்.
என்னை கவர்ந்த என்னுடன் நடித்த சக நடிகர்களில் அஜித் சார் குறிப்பிட்டு சொல்லத்தக்கவர். அவருடைய சமையல்கலை மற்றும் புகைப்படக்கலை ஆகியவற்றை பார்த்து வியப்பது மட்டுமின்றி, அவருடன் பேசிக்கொண்டிருந்தால் பல புதிய விஷயங்களை தெரிந்து கொள்ளும் அளவுக்கு அவர் திறமையுள்ளவர் என்பதை புரிந்து கொண்டேன்.
ஒரு கைதேர்ந்த போட்டோகிராபராக மாறி என்னை விதவிதமாக படமெடுத்த அஜீத் சார் அவர்களுக்கு என்னுடைய மிகப்பெரிய நன்றியை தெரிவித்து கொள்கிறேன். அவருடன் இணைந்து இந்த படத்தில் பணிபுரிவதில் நான் மிகவும் மகிழ்ச்சி அடைகிறேன்' என்று குறிப்பிட்டுள்ளார்.
புலி மற்றும் 'அஜீத் 56' படங்களை தவிர ஸ்ருதிஹாசன் ஸ்ரீமந்துடு, வெல்கம் பேக், யாரா, ராக்கி ஹேண்ட்சம் ஆகிய படங்களிலும் நடித்து வருகிறார். மேலும் சூர்யாவின் சிங்கம் 3 படத்திலும் அவர் நடிக்க ஒப்பந்தமாகியுள்ளார் என்பது குறிப்பிடத்தகக்து.