விஜய் நடித்த துப்பாக்கி என்ற வெற்றி படத்தில் வில்லனாக நடித்து ரசிகர்களின் மனதை கவர்ந்தவர் வித்யூத் ஜம்மாவால். இவர் பாலிவுட்டின் முன்னணி ஹீரோக்களில் ஒருவர் என்பதும் குறிப்பிடத்தக்கது.

இந்த நிலையில் வித்யூத் ஹீரோவாக நடிக்கும் அடுத்த படத்தில் அவருக்கு ஜோடியாக நடிக்க ஸ்ருதிஹாசன் ஒப்பந்தமாகியுள்ளார். இவர் ஏற்கனவே வித்யூத்துடன் ஒரு படத்தில் நடித்துள்ளார் என்பது குறிப்பிடத்தக்கது

மகேஷ் மஞ்ச்ரேக்கர் இயக்கவுள்ள இந்த படத்தில் வித்யூத் என்.ஆர்.ஐ தொழிலதிபராகவும், அவரை காதலிக்கும் கேரக்டரில் ஸ்ருதிஹாசன் நடிக்கவுள்ளதாகவும் தெரிகிறது. மேலும் இந்த படத்தில் ஸ்ருதிஹாசன் ஒரு சிறிய நகரத்து பெண்ணாகவும், சொந்தமாக முடிவெடுக்கும் துணிச்சலான கேரக்டரில் நடிக்கவுள்ளதாகவும் கூறப்படுகிறது. மேலும் வித்யூத்-ஸ்ருதிஹாசன் ரொமான்ஸ் காட்சிகள் இந்த படத்தின் ஹைலைட்டாக இருக்கும் என்று கூறப்படுகிறது;.இந்த படம் குறித்த மேலும் விவரங்கள் விரைவில் வெளிவரும் என்றும் இந்த படத்தின் படப்பிடிப்பு விரைவில் தொடங்கும் என்றும் இயக்குனர் மகேஷ் கூறியுள்ளார்.