பிரிட்டன் இசைக்குழுவினர்களுடன் இணையும் பிரபல தமிழ் நடிகை
- IndiaGlitz, [Wednesday,May 11 2016]
உலக நாயகன் கமல்ஹாசனின் மூத்த மகளும், பிரபல நடிகையுமான ஸ்ருதிஹாசன் நடிக்க வருவதற்கு முன்னரே ஆல்பம் தயாரிப்பதில் பெரும் ஈடுபாடு கொண்டவர் என்பது அனைவரும் அறிந்ததே. அடிப்படையில் அவர் ஒரு நல்ல பாடகியும்கூட. தனி ஆல்பங்கள் உள்பட புலி, வேதாளம் போன்ற பல படங்களில் அவர் பாடல்களை பாடியுள்ளார்.
இந்நிலையில் விரைவில் பிரிட்டன் இசைக்குழுவினர்களுடன் இணைந்து ஒரு ஆல்பத்தில் ஸ்ருதிஹாசன் பாடவுள்ளாராம். சமீபத்தில் லண்டன் சென்ற அவர் பிரிட்டனின் முன்னணி இசை நிறுவனமான Dinosaur Pile-Up குழுவினர்களுடன் பேச்சுவார்த்தை நடத்தியுள்ளார்.
இந்த நிறுவனம் தயாரிக்கவுள்ள அடுத்த ஆல்பத்தில் ஸ்ருதிஹாசன் பாடுவதோடு பாடலை எழுதவும் உள்ளதாக செய்திகள் வெளிவந்துள்ளது. தற்போது லண்டனில் இருக்கும் ஸ்ருதிஹாசன் இந்த ஆல்பத்திற்காக தயாராகி வருவதாகவும் விரைவில் இந்த ஆல்பம் குறித்த தகவல்கள் வெளிவரும் என்றும் கூறப்படுகிறது.