అందాల క‌థానాయిక శృతిహాస‌న్...ప్ర‌స్తుతం విదేశాల్లో క‌మ‌ల్ హాస‌న్ తెర‌కెక్కిస్తున్న శ‌భాష్ నాయ‌డు షూటింగ్ లో పాల్గొంటుంది. ఈ చిత్రంలో క‌మ‌ల్ కి భార్య‌గా ర‌మ్య‌కృష్ణ న‌టిస్తుండ‌గా, కూతురుగా శృతిహాస‌న్ న‌టిస్తుంది. ఈ చిత్రం షూటింగ్ కి గ్యాప్ ఇచ్చి సూర్య కోసం శృతిహాస‌న్ వ‌చ్చేస్తుంది. ఇంత‌కీ...శృతిహాస‌న్ సూర్య కోసం ఎందుకు వ‌చ్చేస్తుంది అంటే...సూర్య న‌టిస్తున్న సింగం 3 లో శృతిహాస‌న్ న‌టిస్తుంది.

ఈ చిత్రం షూటింగ్ ను రేప‌టి నుంచి వైజాగ్ లో చేయ‌నున్నారు. ఈ సంద‌ర్భంగా శృతిహాస‌న్ ట్విట్ట‌ర్ లో స్పందిస్తూ....వైజాగ్ లో జ‌ర‌గ‌నున్న సింగం 3 తాజా షెడ్యూల్ లో పాల్గొంటున్నాను అని తెలియ‌చేసింది. ఈ చిత్రంలో సూర్య స‌ర‌స‌న శృతిహాస‌న్ తో పాటు అనుష్క కూడా న‌టిస్తుంది. హ‌రి ఈ క్రేజీ మూవీని తెర‌కెక్కిస్తున్నారు. సింగం, సింగం 2 చిత్రాల వ‌లే సింగం 3 కూడా సెన్సేష‌న్ క్రియేట్ చేస్తుంద‌ని ఆశిద్దాం.