శ్రుతిది మ‌ళ్లీ అదే తంతు
- IndiaGlitz, [Wednesday,April 13 2016]
ప్రస్తుతం టాలీవుడ్‌లో వ‌రుస విజ‌యాల‌తో దూసుకుపోతోంది శ్రుతి హాస‌న్‌. 'ఎవ‌డు', 'రేసు గుర్రం', 'శ్రీమంతుడు'.. ఇలా పెద్ద హీరోల‌తో శ్రుతి హీరోయిన్‌గా చేసిన మూడు వ‌రుస సినిమాలు ఆమెకు విజ‌యాన్ని అందించాయి. ఈ నేప‌థ్యంలో కూడా శ్రుతి ఆచితూచి అడుగులు వేస్తోంది. ఇప్ప‌టికైతే ఆమె చేతిలో ఉన్న ఏకైక తెలుగు చిత్రం 'ప్రేమ‌మ్' మాత్ర‌మే. నాగ‌చైత‌న్య ఇందులో హీరోగా న‌టిస్తున్నాడు. ఈ సినిమా జులైలో విడుద‌ల‌వుతుంది.
2014లో 2 స్ట్ర‌యిట్ చిత్రాల‌తో ప‌ల‌క‌రించిన శ్రుతి.. గ‌తేడాది 'శ్రీమంతుడు'తో మాత్ర‌మే స‌రిపెట్టింది. ఈ ఏడాది కూడా ఆమెది అదే తంతు. కేవ‌లం 'ప్రేమ‌మ్' మాత్ర‌మే ఆమె హీరోయిన్‌గా న‌టించ‌గా వ‌స్తున్న తెలుగు చిత్రం. ఇత‌ర భాషా చిత్రాల‌తో బిజీగా ఉండ‌డ‌మే శ్రుతి నుంచి త‌క్కువ సినిమాలు రావ‌డానికి కార‌ణ‌మ‌న్న‌ది టాలీవుడ్ టాక్.
ఏదేమైనా మ‌రీ అగ్ర హీరోల మాదిరిగా హీరోయిన్‌లు కూడా ఏడాదికో సినిమా అంటే క‌ష్ట‌మే. శ్రుతి ఈ విష‌యంలో ఆలోచిస్తే ఆమె కెరీర్‌కే మంచిది. ఎందుకంటే.. తెలుగులో ఉన్న‌ట్లుగా ఆమెకి మ‌రెక్క‌డా ఇంత‌టి సక్సెస్ గ్రాఫ్ లేదు మ‌రి.