ஸ்ருதிஹாசனின் அடுத்த படத்தின் படப்பிடிப்பு தொடங்கும் தேதி
- IndiaGlitz, [Monday,May 23 2016]
உலக நாயகன் கமல்ஹாசனின் மகளும் பிரபல நடிகையுமான ஸ்ருதிஹாசன் தற்போது கமல்ஹாசனுடன் 'சபாஷ்நாயுடு', சூர்யாவின் 'எஸ்3', மற்றும் 'பிரேமம்' தெலுங்கு ரீமேக் ஆகிய படங்களில் நடித்து வருகிறார் என்பது தெரிந்ததே. இந்நிலையில் இயக்குனர் எஸ்.ஜே.சூர்யாவின் இயக்கத்தில் பவன்கல்யாண் நடிக்கும் நடிக்கும் படத்திலும் ஸ்ருதிஹாசன் நடிக்கவுள்ளார் என்பதை ஏற்கனவே பார்த்தோம்.
இந்நிலையில் இந்த படத்தின் டைட்டில் தற்போது 'Husharu' என்று அறிவிக்கப்பட்டுள்ளது. இந்த படத்தின் படப்பிடிப்பு வரும் ஜூன் 2ஆம் தேதி முதல் பொள்ளாச்சியில் தொடங்கவுள்ளது.
பவன்கல்யாணின் சொந்த நிறுவனம் தயாரிக்கும் இந்த படத்திற்கு செளந்திரராஜன் ஒளிப்பதிவு செய்கிறார். இவர் ஏற்கனவே எஸ்.ஜே.சூர்யாவின் 'இசை' படத்திற்கு ஒளிப்பதிவு செய்தவர் என்பது குறிப்பிடத்தக்கது.இந்த படத்திற்கு அனுப் ரூப்ஸ் என்பவர் இசையமைக்கின்றார்.