கொரோனா வைரஸ் தாக்கம் காரணமாக கடந்த மூன்று வாரங்களுக்கு மேல் ஊரடங்கு உத்தரவு பிறப்பிக்கப்பட்டுள்ளதால் எந்தவித திரைப்பட படப்பிடிப்பும் நடைபெறவில்லை. இதனை அடுத்து நடிகர் நடிகைகள் மற்றும் திரையுலகைச் சேர்ந்தவர்கள் தங்களுடைய சமூக வலைதளங்களில் வித்தியாசமான, நகைச்சுவையான வீடியோக்களை வெளியிட்டு ரசிகர்களை மகிழ்வித்த வருகின்றனர்.

இந்த நிலையில் சமூக வலைதளங்களில் எப்போதும் சுறுசுறுப்பாக இருக்கும் நடிகை ஸ்ருதிஹாசன் தனது தந்தை கமலஹாசனின் சூப்பர் ஹிட் பாடல் ஒன்றுக்கு வித்தியாசமான மெட்டு அமைத்து அவரே பாடியுள்ள வீடியோ தற்போது வைரல் ஆகி வருகிறது.

ஸ்ருதிஹாசன் தனது சமூக வலைத்தளத்தில் கமலஹாசன் நடித்த ’நாயகன்’ படத்தில் இடம்பெற்ற ’தென்பாண்டி சீமையிலே’ என்ற இசைஞானி இளையராஜாவின் அற்புதமான பாடலை வித்தியாசமாக கம்போஸ் செய்து அதனை தானே பாடியுள்ளார். இந்த வீடியோ தற்போது சமூக வலைதளங்களில் வைரல் ஆகி வருவதோடு, ஸ்ருதிஹாசனின் இந்த முயற்சிக்கு பாராட்டுக்கள் குவிந்து வருகிறது. ஸ்ருதிஹாசன் நடிகையாவதற்கு முன்னரே இசையமைப்பாளராகவும் பாடகியாகவும் இருந்தவர் என்பது குறிப்பிடத்தக்கது.

View this post on Instagram

I’ve always loved this song ??

A post shared by @ shrutzhaasan on Apr 14, 2020 at 9:41am PDT