‘బలుపు’ సినిమాలో మాస్ మహారాజా రవితేజ సరసన శృతిహాసన్ నటించి మెప్పించిన సంగతి తెలిసిందే. అయితే మరోసారి మాస్ మహారాజా సరసన ఈ ముద్దుగుమ్మ నటిస్తున్నట్లు గత రెండ్రోజులుగా ఫిల్మ్‌నగర్‌లో టాక్ నడుస్తోంది. రవితేజ హీరోగా విఐ ఆనంద్ తెరకెక్కిస్తున్న చిత్రం ‘డిస్కోరాజా’. ఇప్పటికే ఈ సినిమా షూటింగ్ మొదలై దాదాపు పూర్తి చేసుకుంది. అయితే ఈ సినిమాలో రవితేజ సరసన ‘ఆర్ఎక్స్ 100’లో అందాలు ఆరబోసిన పాయల్ రాజ్ పుత్, ‘ఇస్మార్ట్ శంకర్’ యూత్‌ను తనవైపు తిప్పుకున్న నభా నటేష్ నటిస్తున్నారు. అయితే ఈ ఇద్దరు భామలే కాకుండా శృతి హాసన్‌ కూడా అందాలు ఆరబోస్తుందని సమాచారం.

ఇప్పటికే ‘డిస్కోరాజా’ సినిమాలో నటించాలని దర్శకనిర్మాతలు సంప్రదించారట. ఆమె కూడా దాదాపు గ్రీన్ సిగ్నల్ ఇచ్చేసినట్లు తెలుస్తోంది. వాస్తవానికి ఈ ముద్దుగుమ్మ మూడో హీరోయిన్‌గా నటించడానికి మొదట మొగ్గుచూపనప్పటికీ.. సినిమాకు ఆమె పాత్రే కీలకం అని దర్శకుడు చెప్పగా.. గ్రీన్ సిగ్నల్ ఇచ్చిందట. అంతేకాదు సినిమా మొత్తానికి శృతి పాత్రే హైలైట్ కానుందట. ఇప్పటికే బలుపు సినిమాలో ఫస్ట్ టైమ్ రొమాన్స్ చేసిన శృతి.. ‘డిస్కోరాజా’లో రెండోసారి నటించనుందన్న మాట. అయితే ఇది ఎంతవరకు నిజం..? డిస్కోరాజాలో ఈ భామ పాత్రేంటి..? ఎలా ఉండబోతోంది..? అనేది తెలియాలంటే దర్శక నిర్మాతలు అయినా స్పందించాలి లేకుంటే సినిమా రిలీజ్ అయ్యేవరకు అయినా వేచిచూడాల్సిందే మరి.