గాల్లో తేలుతున్న శ్రియ
- IndiaGlitz, [Tuesday,September 05 2017]
గాల్లో తేలిన‌ట్టుందే.. గుండె పేలిన‌ట్టుందే.. అని హుషారుగా పాట పాడుకుంటోంది శ్రియ. 'ఇష్టం'తో తెలుగు సినిమా కెరీర్‌ను మొద‌లుపెట్టిన శ్రియకు 'మ‌నం' చిత్రానికి ముందు కెరీర్ ఆశాజ‌న‌కంగా లేదు. శ్రియ ప‌ని ఇక అయిపోయిన‌ట్టే అని కూడా అనుకున్నారు. కానీ అనూహ్యంగా ఆమెకు 'మ‌నం' సినిమా మంచి బ్రేక్ ఇచ్చింది.
దాంతో తిరిగి చూసుకునే ప‌నే లేకుండా పోయింది. దానికి తోడు 'గౌత‌మీ పుత్ర శాత‌క‌ర్ణి', ఈ మ‌ధ్య 'పైసా వ‌సూల్‌' వంటి సినిమాలు కూడా శ్రియకు మంచి పేరు తెచ్చిపెట్టాయి. దాంతో అవ‌కాశాలు వెల్లువెత్తుతున్నాయి. తాజాగా ఆమె త‌మిళంలో 'న‌ర‌కాసుర‌న్‌' సినిమాలో న‌టిస్తోంది. దీంతో పాటు తెలుగులో 'వీర‌భోగ వ‌సంత‌రాయ‌లు'లో ఎయిర్ హోస్టెస్‌గా న‌టిస్తోంది. 'న‌ర‌కాసుర‌న్‌'లో ఆమె పోలీస్ పాత్ర చేస్తోంది. ' పెళ్లికి, కెరీర్‌కి సంబంధం లేదు. నాకు జీవితాంతం న‌టించాల‌ని ఉంది. ప్ర‌స్తుతం వ‌స్తున్న అవ‌కాశాల‌ను చూస్తే చాలా ఆనందంగా ఉంది'' అని ఆ మ‌ధ్య చెప్పింది శ్రియ.