ஹோலி கொண்டாட்டத்தில் கணவருடன் பெல்லி டான்ஸ் ஆடிய முன்னணி நடிகை.. வைரல் வீடியோ!
- IndiaGlitz, [Monday,March 29 2021]
“சிவாஜி“ படத்தில் சூப்பர் ஸ்டார் ரஜினிகாந்துக்கு ஜோடியாக நடித்து இருந்த நடிகை ஸ்ரேயாவின் நடனத்தை யாரும் அவ்வளவு எளிதில் மறந்து இருக்க முடியாது. சிவாஜி படத்தில் வரும் ஒவ்வொரு பாடலுக்கும் அவருக்கே உரிய பாணியில் சிறிது கவர்ச்சியுடன் கலந்து கட்டி நடனம் ஆடி இருப்பார் நடிகை ஸ்ரேயா சரண். அவரது நடனத்திற்கு மயங்கிப்போன பெரும்பாலான ரசிகர்களுக்கு பேவரிட் ஹீரோயினாகவும் வலம் வந்தார்.
தெலுங்கு சினிமாவில் முன்னணி நடிகையாக இருந்த நடிகை ஸ்ரேயா தமிழில் “சிவாஜி” படத்தின் வெற்றிக்கு பிறகு “அழகிய தமிழ் மகன்“, “குட்டி“, “கந்தசாமி“, “திருவிளையாடல்” எனப் பல ஹிட் படங்களிலும் நடித்து இருந்தார். மேலும் ஒரு சில இந்தித் திரைப்படங்களிலும் நடிக்க இவருக்கு வாய்ப்பு வந்தது. இப்படி பெரும்பாலான முன்னணி ஹீரோக்களுடன் ஜோடி போட்டு நடித்த ஸ்ரேயா கடந்த 2018 ஆம் ஆண்டு ரஷ்ய இசைக் கலைஞர் மற்றும் தொழிலதிபர் ஆண்ட்ரி கோஸ்சீவ் என்பவரைக் காதலித்து திருமணம் செய்து கொண்டார்.
தற்போது கதாநாயகியாக வாய்ப்பு கிடைக்காவிட்டாலும் முன்னணி மற்றும் குணச்சித்திர வேடங்களில் தொடர்ந்து கவனம் செலுத்தி வரும் நடிகை ஸ்ரேயா தெலுங்கில் பிரம்மாண்ட இயக்குநர் எஸ்.எஸ்.ராஜமௌலி இயக்கத்தில் உருவாகி வரும் ஆர்.ஆர்.ஆர் திரைப்படத்தின் ஒரு கதாபாத்திரத்திலும் நடித்து வருகிறார்.
இந்நிலையில் இன்று நாடு முழுவதும் ஹோலி பண்டிகை கொண்டாடப்பட்டு வரும் நிலையில் நடிகை ஸ்ரேயா தனது திருமண நிகழ்வின்போது ஹோலி கொண்டாடி தனது கணவரோடு இணைந்து பெல்லி டான்ஸ் ஆடிய வீடியோவையும் இன்ஸ்டாவில் பதிவிட்டு உள்ளார். இந்தப் பதிவு தற்போது இணையத்தில் படு வைரலாகி வருகிறது.