’பாகுபலி’, ’பாகுபலி 2’ ஆகிய சூப்பர் ஹிட் படங்களை இயக்கிய பிரமாண்ட இயக்குநர் எஸ்எஸ் ராஜமெளலி இயக்கும் அடுத்த திரைப்படம் ’ஆர்.ஆர்.ஆர்’. இந்த திரைப்படத்தில் ஜூனியர் என்டிஆர் மற்றும் ராம்சரண் தேஜா இணைந்து நடித்து வரும் நிலையில் இந்த படத்தில் சமீபத்தில் பிரபல பாலிவுட் நடிகர் அஜய் தேவ்கான் இணைந்தார் என்ற செய்தியை பார்த்தோம்.

தற்போது இந்த படத்தில் நடிகை ஸ்ரேயா சரண் இணைந்துள்ளதாக தகவல்கள் வெளிவந்துள்ளது. இவர் அஜய்தேவ் கானுக்கு ஜோடியாக நடிக்க இருப்பதாகவும் சமீபத்தில் ஐதராபாத் அருகே உள்ள காட்டுப்பகுதியில் நடந்த படப்பிடிப்பில் ஸ்ரேயா கலந்து கொண்டதாகவும் செய்திகள் வெளியாகி உள்ளது. நடிகை ஸ்ரேயா தமிழில் ரஜினியின் ’சிவாஜி’ தனுஷின் ’திருவிளையாடல் ஆரம்பம் உள்பட பல திரைப்படங்களில் நடித்துள்ளார் என்பது குறிப்பிடத்தக்கது. அதேபோல் அஜய்தேவ்கான், ஸ்ரேயா ஆகிய இருவரும் ஏற்கனவே ‘த்ரிஷ்யம்’ இந்தி ரீமேக்கில் இணைந்து நடித்துள்ளனர் என்பதும் குறிப்பிடத்தக்கது.

’ஆர்.ஆர்.ஆர்’ படத்தின் ஏற்கனவே பாலிவுட் நடிகை அலியாபட், ஹாலிவுட் நடிகை ஒலிவியா மோரிசன் நடித்து வரும் நிலையில் நிறைய ஸ்ரேயாவும் இணைந்துள்ளார் என்பது குறிப்பிடத்தக்கது