వెంక‌టేశ్ పక్కన శ్రియ క‌న్ఫ‌ర్మ్‌!
- IndiaGlitz, [Wednesday,January 30 2019]
మామాఅల్లుళ్లు 'విక్టరీ' వెంకటేష్, 'యువ సామ్రాట్' అక్కినేని నాగచైతన్య హీరోలుగా నటించనున్న సినిమా 'వెంకీ మామ'. ఫిబ్రవరి నెలాఖరు నుంచి షూటింగ్ స్టార్ట్ చేయనున్నారు. ఇందులో చైతూ పక్కన రకుల్ ప్రీత్ సింగ్ హీరోయిన్‌గా నటించనున్నారు. 'రారండోయ్ వేడుక చూద్దాం' తరవాత వీళ్ళిద్దరూ జంటగా కనిపించనున్న చిత్రమిది.
రకుల్‌ను ఎప్పుడో ఎంపిక చేశారు. తాజాగా వెంకీ జోడీని కూడా ఎంపిక చేశారు. 'సుభాష్ చంద్రబోస్', 'గోపాల గోపాల' సినిమాల్లో ఆయన పక్కన నటించిన శ్రియ, మరోసారి వెంకీకి జంటగా నటించనుంది. వెంకీ, చైతూ పాత్రలతో పాటు సినిమాలో హీరోయిన్ల పాత్రలు కూడా కీలకంగా ఉంటాయట. కేఎస్ రవీంద్ర అలియాస్ బాబీ దర్శకత్వంలో సురేష్ ప్రొడక్షన్స్, పీపుల్ మీడియా ఫ్యాక్టరీ, కోన ఫిలిం కార్పొరేషన్ ఈ సినిమాను నిర్మిస్తున్నాయి.