నంద‌మూరి బాల‌కృష్ణ టైటిల్‌పాత్ర‌లో న‌టిస్తున్న ప్రెస్టిజియ‌స్ మూవీ గౌత‌మిపుత్ర శాత‌క‌ర్ణి. నేష‌న‌ల్ అవార్డ్ విన్నింగ్ మూవీ డైరెక్ట‌ర్ క్రిష్ ద‌ర్శ‌క‌త్వంలో ఫస్ట్ ఫ్రేమ్స్ ఎంటర్ టైన్మెంట్స్ ప్రై.లి. బ్యానర్ పై వై.రాజీవ్ రెడ్డి, జాగర్లమూడి సాయిబాబు నిర్మిస్తున్నారు. ఈ చిత్రంలో గౌత‌మిపుత్ర శాత‌కర్ణి స‌తీమ‌ణి వశిష్టి దేవిగా శ్రేయా శ‌ర‌న్ న‌టిస్తున్నారు.

సెప్టెంబ‌ర్ 11న శ్రేయా పుట్టిన‌రోజు సంద‌ర్భంగా ద‌ర్శ‌కుడు క్రిష్, వ‌శిష్టి దేవిగా న‌టిస్తున్న శ్రేయా లుక్ ను ఈరోజు విడుద‌ల చేశారు. సినిమా ప్ర‌స్తుతం మ‌ధ్య‌ప్ర‌దేశ్‌లో చిత్రీక‌ర‌ణ జ‌రుగుతోంది. నంద‌మూరి బాల‌కృష్ణ‌, హేమామాలిని, శ్రేయాశ‌ర‌న్‌ల‌పై కీల‌క స‌న్నివేశాల‌ను చిత్రీక‌రిస్తున్నారు. ఈ సినిమాలో ఇప్పుడు రాజ‌సూయ‌యాగంను చిత్రీక‌రిస్తున్నారు. భారీ బ‌డ్జెట్‌తో, హై టెక్నిక‌ల్ వాల్యూస్‌తో ద‌ర్శ‌కుడు క్రిష్, నిర్మాత‌లు వై.రాజీవ్‌రెడ్డి, జాగ‌ర్ల‌మూరి సాయిబాబులు సినిమాను రూపొందిస్తున్నారు.