சூப்பர் ஸ்டார் ரஜினிகாந்த் நடித்த ’சிவாஜி’ விஜய் நடித்த ’அழகிய தமிழ்மகன்’ தனுஷ் நடித்த ’திருவிளையாடல் ஆரம்பம்’ விக்ரம் நடித்த ’கந்தசாமி’ உள்பட பல திரைப்படங்களில் நடித்தவர் நடிகை ஸ்ரேயா இவர் கடந்த சில ஆண்டுகளுக்கு முன் ரஷ்யாவை சேர்ந்த ஆண்ட்ரூ என்பவரை திருமணம் செய்து கொண்டார். தற்போது இருவரும் ஸ்பெயின் நாட்டிலுள்ள பார்சிலோனா நகரத்தில் உள்ளனர்.

இந்த நிலையில் சமீபத்தில் ஸ்ரேயா கணவர் ஆண்ட்ருவுக்கு திடீரென கொரோனா வைரஸ் அறிகுறி இருந்தது இதனை அடுத்து ஸ்ரேயா தனது கணவரை அருகில் உள்ள மருத்துவமனைக்கு அழைத்துச் சென்றார். ஆனால் அங்குள்ள மருத்துவர்கள் அவருக்கு சிகிச்சை அளிக்க மறுத்துவிட்டனர். மேலும் வீட்டிலிருந்தே தனிமைப்படுத்தி கொண்டு சிகிச்சை பெற்றுவர மருத்துவர்கள் அறிவுறுத்தினர்.

இதனை அடுத்து ஸ்ரேயா மற்றும் அவரது கணவர் இருவரும் தற்போது வீட்டிலிருந்தே தங்களைத் தாங்களே தனிமைப்படுத்தி கொண்டு சிகிச்சை பெற்று வருகின்றனர். தற்போது வெளிவந்துள்ள தகவலின்படி ஸ்ரேயாவின் கணவரின் உடல் தேறி வருவதாக கூறப்படுகிறது.