பிக்பாஸ் நிகழ்ச்சியில் ஒவ்வொரு வாரமும் நாமினேட் செய்யப்பட்டு நூலிழையில் தப்பித்து வரும் அபிராமி இந்த வாரமும் நாமினேஷனில் இருந்தாலும், அவருக்கு கிடைத்து கொண்டிருக்கும் வாக்குகளை பார்க்கும்போது இந்த வாரமும் அவர் வழக்கம்போல் தப்பித்துவிடுவார் என்றே தெரிகிறது

இந்த நிலையில் அஜித்தின் 'நேர் கொண்ட பார்வை' படத்தில் ஒரு முக்கிய கேரக்டரில் நடித்துள்ள அபிராமி, இந்த படத்தின் ரிலீசின்போதும் பிக்பாஸ் வீட்டில்தான் இருப்பார் என எதிர்பார்க்கப்படுகிறது. இந்நிலையில் 'நேர் கொண்ட பார்வை' படத்தின் நாயகியான ஷராதா ஸ்ரீநாத், பிக்பாஸில் அபிராமி குறித்து கருத்து தெரிவிக்கையில், 'நான் பிக்பாஸ் ஷோ பார்ப்பது இல்லை. அதனால் அபிராமியின் நிலை குறித்து எனக்கு தெரியாது. இருப்பினும் நான் அவருடைய இன்ஸ்டாகிராம் பக்கத்தை ஃபாலோ செய்கிறேன். அதில் பதிவு செய்யப்படும் ஒருசில வீடியோக்களை மட்டும் பார்ப்பேன்.

என்னை பொருத்தவரை அபிராமி ஒரு சந்தோஷமான பொண்ணு. அவர் மனதில் என்ன தோன்றுகிறதோ, அதை அப்படியே வெளிப்படையாக பேசிவிடுவார். ஆனால் பிக்பாஸில் அவர் எப்படி விளையாடி வருகிறார் என்பது எனக்கு தெரியாது' என்று கூறியுள்ளார்.