ప్ర‌స్తుతం బ్యాడ్మింట‌న్ స్టార్ సైనా నెహ్వాల్ పాత్ర‌లో ఒదిగిపోయిన ముద్దుగుమ్మ శ్ర‌ద్ధాక‌పూర్.. ఆ పాత్ర‌ను చాలా బాగా ఎంజాయ్ చేస్తుందట. వివ‌రాల్లోకెళ్తే.. 2010 బాడ్మింట‌న్ పోటీల్లో కామ‌న్‌వెల్త్ గేమ్స్‌లో గోల్డ్ మెడ‌ల్. 2012లో జ‌రిగిన ఒలింపిక్స్‌లో కాంస్య ప‌త‌కం సాధించ‌డంతో పాటు 2015లో వ‌ర‌ల్డ్ బాడ్మింట‌న్ పోటీల్లో నెంబ‌ర్ వ‌న్‌గా నిలిచింది సైనా నెహ్వాల్. ``ఈమె పాత్ర కోసం ఇప్ప‌టి వ‌ర‌కు న‌ల‌బై రోజుల బాడ్మింట‌న్ క్లాసుల‌కు హాజ‌ర‌య్యాను.

సైనా త‌న ప్ర‌యాణంలో గాయాల‌ను దాటి విజయాల‌ను అందుకుంది. ఆమె జీవితం నాకు క‌నెక్ట్ అవుతుంది. ప్ర‌తి ఫీల్డ్‌లో ఇలాంటి వ్య‌క్తులు చాలా మంది ఉంటారు. సైనా పాత్ర‌లో న‌టించ‌డాన్ని ఎంజాయ్ చేస్తున్నా`` అంది శ్ర‌ద్ధాక‌పూర్‌. సెప్టెంబ‌ర్ 22న హైద‌రాబాద్‌లో చిత్రీక‌ర‌ణ ప్రారంభ‌మైంది. భూష‌ణ్ కుమార్ నిర్మిస్తున్న ఈ చిత్రానికి అమోల్ గుప్తా ద‌ర్శ‌కుడు.