తమిళ అగ్ర కథానాయకుల్లో ఒక‌రైన అజిత్ కీలక పాత్రలో బోనీ కపూర్ నిర్మాతగా ఓ సినిమా తెరకెక్కుతున్న సంగతి తెలిసిందే. అమితాబ్ బచ్చన్, తాప్సీ తదితరులు ప్రధాన తారాగణంగా నటించిన హిందీ చిత్రం ‘పింక్’కు ఇది రీమేక్. ‘ఖాకి’ దర్శకుడు హెచ్.వినోద్ దర్శకుడు.

అమితాబ్ పాత్రను తమిళంలో అజిత్ పోషిస్తున్నారు. కాగా ఈ సినిమాలో కీలక పాత్రధారులైన ముగ్గురు అమ్మాయిలుగా ఎవరు నటిస్తారనే దానిపై పలువురి పేర్లు వినపడుతున్నాయి. కల్యాణి ప్రియదర్శన్, నజ్రియా నజీమ్ పేర్లు ప్రముఖంగా వినపడ్డాయి. ఇప్పుడు శ్రద్ధా శ్రీనాథ్ పేరు కూడా వినపడుతుంది.

కన్నడ ‘యూ టర్న్’ చిత్రంలో నటించిన శ్రద్ధా శ్రీనాథ్, తర్వాత ‘విక్రమ్ వేద’ సహా కొన్ని తమిళ చిత్రాల్లో నటించింది. ఇప్పుడు తెలుగులో నానితో ‘జెర్సీ’లో నటిస్తుంది.