బాహుబ‌లి చిత్రంతో జాతీయ‌స్థాయి గుర్తింపు తెచ్చుకున్న హీరో యంగ్ రెబ‌ల్ స్టార్ ప్ర‌భాస్ హీరోగా చేస్తున్న సినిమా `సాహో`. `ర‌న్‌రాజా ర‌న్ ఫేమ్` సుజిత్ ద‌ర్శ‌క‌త్వంలో సినిమా తెర‌కెక్కుతోంది. యు.వి.క్రియేష‌న్స్ బేన‌ర్‌పై తెర‌కెక్కుతోన్న ఈ చిత్రం ఇప్పుడు షూటింగ్ ద‌శ‌లో ఉంది.

ఈ సినిమాను తెలుగు, త‌మిళం, మ‌ల‌యాళం, హిందీ భాష‌ల్లో 150 కోట్ల బ‌డ్జెట్‌తో రూపొందిస్తున్నారు. ఈ సినిమాలో నీల్ నితిన్ ముకేష్, చంకీ పాండే విల‌న్స్‌గా న‌టిస్తున్నారు. ఈ సినిమాలో హీరోయిన్ విష‌యంలో ఏ క్లారిటీ రాలేదు. ముందుగా హీరోయిన్‌గా అనుష్క‌ను అనుకున్నారు కానీ చివ‌ర‌కు అనుష్క సాహోలో జాయిన్ కావ‌డం లేద‌నేది విశ్వ‌స‌నీయ వ‌ర్గాల స‌మాచారం.

తాజా స‌మాచారం ప్ర‌కారం ఈ సినిమాలో బాలీవుడ్ హీరోయిన్స్ శ్ర‌ద్ధాక‌పూర్ పేరుని ప‌రిశీలిస్తున్నారట‌. ఈమెతో పాటు దిశాప‌టాని పేరు కూడా ప‌రిశీల‌న‌లో ఉంది. దాదాపు శ్ర‌ద్ధా న‌టించే అవ‌కాశాలున్నాయ‌నేది టాక్‌.