ప్ర‌భాస్ తో మిర్చి, మ‌హేష్ తో శ్రీమంతుడు చిత్రాల‌ను తెర‌కెక్కించి బ్లాక్ బ‌ష్ట‌ర్స్ సాధించి సెన్సేష‌న్ క్రియేట్ చేసిన డైరెక్ట‌ర్ కొర‌టాల శివ‌. యంగ్ టైగ‌ర్ ఎన్టీఆర్ తో కొర‌టాల శివ జ‌న‌తా గ్యారేజ్ చిత్రాన్ని తెర‌కెక్కిస్తున్నారు. శ‌రవేగంగా షూటింగ్ జరుపుకుంటున్న జ‌న‌తా గ్యారేజ్ ఆగ‌ష్టు 12న ప్రేక్ష‌కుల ముందుకు వ‌చ్చేందుకు రెడీ అవుతుంది.

ఇదిలా ఉంటే...మిర్చి సినిమాలో ప్ర‌భాస్ ఓ సీన్ లో అనుష్క కాళ్లు ప‌ట్టుకుని వేళ్ల‌కు గోళ్లు రంగు వేస్తుంటాడు. అలాగే కొర‌టాల తెర‌కెక్కించిన శ్రీమంతుడు చిత్రంలో మ‌హేష్ కూడా శృతిహాస‌న్ కాళ్ల‌ను ఓ సీన్ లో ప‌ట్టుకుంటాడు. దీంతో కొర‌టాల హీరో అంటే హీరోయిన్ కాళ్లు ప‌ట్టుకోవాల్సిందే అంటున్నారు సినీ జ‌నం. తాజా చిత్రం జ‌న‌తా గ్యారేజ్ లో కూడా ఎన్టీఆర్ హీరోయిన్ స‌మంత లేక నిత్యామీన‌న్ కాళ్లు ప‌ట్టుకునే సీన్ ఉంటుంద‌ని ప్ర‌చారం జ‌రుగుతుంది. మ‌రి...జ‌న‌తా గ్యారేజ్ లో ఈ సీన్ ఉందో లేదో తెలియాలంటే ఆగ‌ష్టు 12 వ‌ర‌కు ఆగాల్సిందే.