கேரள மாநிலத்தில் கடந்த சில நாட்களாக பெய்து வரும் கனமழையால் அம்மாநிலமே ஸ்தபித்து போயுள்ளது. கனமழை மற்றும் வெள்ளத்தை விட அம்மாநில மக்களை அச்சுறுத்துவது நிலச்சரிவுதான். ஆங்காங்கே ஏற்பட்டுள்ள நிலச்சரிவினால் போக்குவரத்து பெருமளவு துண்டிக்கப்பட்டுள்ளது. மேலும் நிலச்சரிவினால் ஏற்பட்ட உயிரிழப்புகளும் அதிகமாக உள்ளது.

இந்த நிலையில் சமூக வலைத்தள பயனாளி ஒருவர் வீடியோ ஒன்றை வெளியிட்டுள்ளார். அந்த வீடியோவில் பங்களா போன்ற ஒரு வீடு கொஞ்சம் கொஞ்சமாக ஏற்படும் நிலச்சரிவில் பாதிக்கப்பட்டு ஒரு கட்டத்தில் முற்றிலும் சரிந்து பள்ளத்தில் விழுகிறது. இதை பார்த்து அப்பகுதி பொதுமக்கள் அலறியடித்து ஓடுகின்றனர். இதேபோன்று அருகில் உள்ள மற்ற வீடுகளும் பேராபத்தில் உள்ளது.

இந்த வீடியோவை இணையதளத்தில் பார்க்கும் நமக்கே அதிர்ச்சி ஏற்படுகிற நிலையில் நேரில் பார்த்தவர்களுக்கு இருக்கும் மனநிலையை நினைத்து பார்க்கவே முடியவில்லை. இந்த பேரிடரில் இருந்து கேரள மக்கள் விரைவில் மீண்டும் இயல்பு வாழ்க்கைக்கு திரும்ப வேண்டும் என்பதே அனைவரின் பிரார்த்தனையாக உள்ளது.

Damn .. This is scary.. Just received this on WhatsApp .. Madikeri li agirodu ante#KeralaFloods pic.twitter.com/rpgHTiZQ2N

— GV (@puri_moote) August 16, 2018