பிக்பாஸ் நிகழ்ச்சியின் போட்டியாளர்களில் ஒருவரான பிரியங்கா இதற்கு முன்னர் விஜய் டிவியில் உள்ள பல நிகழ்ச்சிகளுக்கு தொகுப்பாளினியாக பணிபுரிந்து வந்தார் என்பதும் குறிப்பாக சூப்பர் சிங்கர் நிகழ்ச்சியில் அவர் தொகுத்து வழங்கும் பாணியே தனி ஸ்டைல் என்பதும் தெரிந்ததே.

இந்த நிலையில் தற்போது பிக்பாஸ் நிகழ்ச்சியில் பிரியங்கா போட்டியாளராக இருக்கும் நிலையில் சூப்பர் சிங்கர் ஜூனியர் நிகழ்ச்சியின் அடுத்த சீசன் விரைவில் தொடங்க உள்ளது. இந்த சீசனில் வழக்கம்போல் மாகாபா ஒரு தொகுப்பாளராக இருக்கும் நிலையில் இன்னொரு தொகுப்பாளராக ஷிவாங்கி தேர்வு செய்யப்பட்டுள்ளதாக தகவல்கள் வெளியாகியுள்ளன.

கடந்த பல வருடங்களாக பிரியங்கா, சூப்பர் சிங்கர் நிகழ்ச்சியை தொகுத்து வந்த நிலையில் தற்போது அவர் பிக்பாஸ் வீட்டில் இருப்பதால் அவரது இடத்தை ஷிவாங்கி பிடித்துவிட்டது பிரியங்கா ரசிகர்களுக்கு அதிர்ச்சித் தகவலாக இருக்கிறது என்பது குறிப்பிடத்தக்கது. இருப்பினும் பிக்பாஸ் நிகழ்ச்சி முடிவடைந்ததும் மீண்டும் பிரியங்கா சூப்பர் சிங்கர் நிகழ்ச்சியை தொகுத்து வழங்குவாரா? அல்லது ஷிவாங்கியே தொகுப்பாளினியாக தொடர்வாரா? என்பதை பொறுத்திருந்து பார்ப்போம்.