ఏపీలో షాక్.. ఒక్కరోజే దాదాపు 4 వేల కరోనా కేసులు
- IndiaGlitz, [Saturday,July 18 2020]
ఏపీలో కరోనా కేసులు షాక్ ఇచ్చాయి. 2500 కేసులు నమోదవుతుంటేనే జనం భయపడిపోతుంటే.. ఇవాళ ఒక్కరోజే దాదాపు నాలుగు వేల కేసులు నమోదయ్యాయి. శనివారం కరోనా బులిటెన్‌ను ఏపీ వైద్య ఆరోగ్యశాఖ వెల్లడించింది. గడిచిన 24 గంటల్లో ఏపీలో 3963 కేసులు నమోదయ్యాయి. ఇంత భారీ స్థాయిలో కేసులు నమోదవడం ఏపీలో ఇదే ప్రథమం. దీంతో ఇప్పటి వరకూ ఏపీలో కరోనా కేసుల సంఖ్య 44,609కి చేరుకుంది. గడిచిన 24 గంటల్లో కరోనా కారణంగా మరణించిన వారి సంఖ్య కూడా చాలా ఎక్కువగానే ఉంది.
ఇవాళ ఒక్కరోజే కరోనా కారణంగా 52 మంది మృతి చెందారు. దీంతో ఇప్పటి వరకూ 589 మంది మృతి చెందినట్టు వైద్య ఆరోగ్యశాఖ వెల్లడించింది. కాగా ప్రస్తుతం ఏపీలో 22,260 యాక్టివ్ కేసులుండగా.. కరోనా నుంచి కోలుకుని 21,763 మంది డిశ్చార్జ్ అయ్యారు. కాగా ఈ రోజు నమోదైన కేసుల్లో అత్యధికంగా 994 కేసులు తూర్పు గోదావరి జిల్లాలో నమోదయ్యాయి. ఆ తరువాత ఎక్కువగా కర్నూలు జిల్లాలో 550 కేసులు నమోదయ్యాయి. పశ్చిమ గోదావరిలో 407 కేసులు నమోదయ్యాయని వైద్య ఆరోగ్యశాఖ వెల్లడించింది.
#COVIDUpdates: 18/07/2020, 10:00 AM
— ArogyaAndhra (@ArogyaAndhra) July 18, 2020
రాష్ట్రం లోని నమోదైన మొత్తం 41,714 పాజిటివ్ కేసు లకు గాను
*19,223 మంది డిశ్చార్జ్ కాగా
*586 మంది మరణించారు
* ప్రస్తుతం చికిత్స పొందుతున్నవారి సంఖ్య 21,905#APFightsCorona #COVID19Pandemic pic.twitter.com/rb6RQCyWLJ