మా 'బాహుబ‌లి' తో... దాన్ని పోల్చ‌కండి
- IndiaGlitz, [Friday,May 03 2019]
మా 'బాహుబ‌లి' సినిమా హిందీలో చేసిన వ‌సూళ్ల‌తో 'అవెంజెర్స్' మొత్తం వ‌సూళ్లు పోల్చ‌డం స‌రికాదు. అనుభ‌వ‌జ్ఞులై ఉండి ఇలాంటి పోలిక‌లు చేయ‌డం భావ్య‌మా అంటూ 'బాహులి' నిర్మాత‌ల్లో ఒక‌రైన శోభు యార్ల‌గ‌డ్డ అన్నారు. ఆయ‌న ఈ పోలిక‌ల గురించి శుక్ర‌వారం ట్విట్ట‌ర్‌లో స్పందించారు. అంతకు ముందు త‌ర‌ణ్ ఆద‌ర్శ్ అవెంజ‌ర్స్ తొలి వారంలో అత్య‌ధిక క‌లెక్ష‌న్లు సాధించింద‌ని ట్వీట్ చేశారు.
తొలి వారంలో అవెంజ‌ర్స్ ఎండ్ గేమ్ రూ.260కోట్లు వ‌సూలు చేసింద‌ని, దాని త‌ర్వాతి స్థానంలో 'బాహుబ‌లి2' రూ.247కోట్ల‌తో నిలిచింద‌ని ఆయ‌న ట్వీట్ చేశారు. వాటి త‌ర్వాత 'సుల్తాన్', 'టైగ‌ర్ జిందా హై', 'సంజు', 'దంగ‌ల్‌' చిత్రాల గురించి ప్ర‌స్తావించారు. 'బాహుబ‌లి' వ‌సూళ్ల గురించి శోభు వేసిన ట్వీట్‌కు ఆ చిత్రం కెమెరామేన్ సెంథిల్ కూడా మ‌ద్ద‌తు ప‌లికారు. ప్ర‌భాస్ ఫ్యాన్స్ ప‌లువురు దానికి స్పందిస్తున్నారు. హాలీవుడ్ సినిమాకు, రీజిన‌ల్ సినిమాకు అసలు పోటీ ఏంట‌ని కూడా మ‌రో వ‌ర్గం అడుగుతోంది.