శివాత్మిక రాజశేఖర్.. ఆ మధ్య విజయ్ దేవరకొండ తమ్ముడు ఆనంద్ దేవరకొండ హీరోగా వచ్చిన ‘దొరసాని’ సినిమాతో తెలుగు ప్రేక్షకులకు పరిచయమైంది. తొలి సినిమా అనుకున్నంతగా ఆకట్టుకోలేకపోయినా.. నటిగా మాత్రం ఈ ముద్దుగుమ్మకు మంచి మార్కులే పడ్డాయి. ముఖ్యంగా శివాత్మిక ఎక్స్‌ప్రెషన్స్ చాలా బాగున్నాయంటూ ప్రశంసలొచ్చాయి. శివాత్మిక ప్రస్తుతం కృష్ణ వంశీ దర్శకత్వంలో వస్తున్న రంగ మార్తండలో నటిస్తోంది. తాజాగా శివాత్మిక గురించి మరో న్యూస్ కూడా బయటకు వచ్చింది.

శివాత్మిక రాజశేఖర్.. కోలీవుడ్‌లో అడుగు పెట్టేందుకు సన్నాహాలు చేసుకుంటోందట. ఇప్పటికే ఒక అద్భుతమైన అవకాశం ఈ ముద్దుగుమ్మ చేజిక్కించుకుంది. గౌతమ్ కార్తీక్ లీడ్ రోల్ పోషిస్తున్న సినిమాలో శివాత్మిక అవకాశం దక్కించుకుంది. నంద పెరియాసామి ఈ సినిమాకు దర్శకత్వం వహిస్తున్నారు. ఈ సినిమా షూటింగ్ మార్చి నుంచి ప్రారంభం కానుంది. ఈ సినిమా హిట్ అయితే శివాత్మిక కెరీర్‌కి మంచి టర్నింగ్ పాయింట్ అవుతుంది.