‘రంగమార్తాండ’లో ప్రకాష్ రాజ్ కుమార్తెగా శివాత్మిక!
- IndiaGlitz, [Saturday,December 14 2019]
సీనియర్ డైరెక్టర్ కృష్ణవంశీ ‘రంగమార్తాండ’ చిత్రాన్ని తెరకెక్కిస్తున్న సంగతి తెలిసిందే. చాలా రోజుల తర్వాత ఓ మంచి హ్యూమన్ ఇంట్రెస్టింగ్ స్టోరీతో కృష్ణవంశీ తెలుగు ప్రేక్షకుల ముందుకు రాబోతున్నాడు. ఇప్పటికే సినిమాలో ఎవరెవరు నటిస్తున్నారు..? ఏంటి అనే విషయాలను దాదాపు ప్రకటించిన చిత్రబృందం.. తాజాగా మరో ఇంట్రెస్టింగ్ అప్డేట్‌ టాలీవుడ్‌లో హల్ చల్ చేస్తోంది. ఈ సినిమాలో సీనియర్ నటుడు ప్రకాష్ రాజ్ కీలక పాత్రలో నటిస్తున్నారు. అయితే ప్రకాష్ కుమార్తెగా.. యాంగ్రీ హీరో రాజశేఖర్ రెండో కుమార్తె శివాత్మిక నటిస్తున్నారని విశ్వసనీయ వర్గాల సమాచారం.
కాగా.. రీల్ లైఫ్‌లో ప్రకాష్ రాజ్- రమ్యకృష్ణ దంపతుల కుమార్తెగా శివాత్మిక కనిపించబోతోంది. ఈ సినిమాలో శివాత్మికది సింగర్ పాత్ర. ఈమె నటించిన ‘దొరసాని’ చిత్రం ఆశించిన రీతిలో ఫలితాన్ని అందివ్వలేదు. సినిమా పెద్దగా ఆడలేదు కానీ.. శివాత్మిక నటను మాత్రం మంచి మార్కులే పడ్డాయి. అందుకే ఆమె నటనను మెచ్చుకున్న కృష్ణవంశీ పిలిచి మరీ అవకాశమిచ్చారట. అయితే ‘దొరసాని’తో దొరకని.. రాని గుర్తింపు ‘రంగ మార్తాండ’తో వస్తుందని శివాత్మిక, ఆమె కుటుంబ సభ్యులు భావిస్తున్నారట. కాగా.. కథానాయికలు మొదలుకుని సినిమా అందరి క్యారెక్టర్స్‌ను చాలా చక్కగా చూపిస్తారన్న విషయం తెలిసిందే. మరి.. శివాత్మిక ఎలా చూపిస్తారో..? ఈ సినిమా ఆమెకు ఏ మాత్రం పేరు తెచ్చిపెడుతుందో వేచి చూడాల్సిందే.