விஜய் டிவியில் ஒளிபரப்பான சூப்பர் சிங்கர் என்ற நிகழ்ச்சியின் மூலம் ரசிகர்களுக்கு அறிமுகமான ஷிவாங்கி அதன் பின் ‘குக் வித் கோமாளி என்ற நிகழ்ச்சியின் மூலம் வேற லெவலில் பிரபலம் அடைந்தார் என்பது தெரிந்ததே. இந்த பிரபலத்தின் காரணமாக அவருக்கு திரைப்படத்தில் நடிக்கும் வாய்ப்புகளும், பாடும் வாய்ப்புகளும் குவிந்து வந்தன என்பது குறிப்பிடத்தக்கது.

அந்த வகையில் பிரபல நடிகரின் படத்திற்காக ஷிவாங்கி பாடிய பாடல் ஒன்று சற்றுமுன் வெளியாகியுள்ளது. சாந்தனு மற்றும் அதுல்யா ரவி நடித்த ’முருங்கைக்காய் சிப்ஸ்’ என்ற திரைப்படத்திற்காக ஷிவாங்கி மற்றும் அவரது நெருங்கிய நண்பர்களில் ஒருவரான சாம் விஷால் ஆகிய இருவரும் இணைந்து பாடிய பாடல் வெளியாகி தற்போது வைரலாகி வருகிறது. டாக்கு லெஸ்ஸு வொர்க்கு மோரு’ என்று ஆரம்பிக்கும் இந்த பாடலில் ’ஹார்ட்டுக்குள்ள சத்தம் இல்லை’ என்று ஷிவாங்கி பாடிய வரிகள் தற்போது வைரலாகி வருகிறது என்பது குறிப்பிடத்தக்கது.

சாந்தனு பாக்கியராஜ் ஜோடியாக அதுல்யா ரவி நடித்திருக்கும் இந்த படத்தில் பாக்யராஜ், யோகிபாபு, மதுமிதா உள்பட பலர் நடித்துள்ளனர். ஸ்ரீஜார் இயக்கத்தில் உருவாகியுள்ள இந்த படத்தை லிப்ரா புரடொக்சன்ஸ் ரவீந்தர் தயாரித்துள்ளார் என்பது குறிப்பிடத்தக்கது.