తెలుగు రియాలిటీ షో బిగ్‌బాస్ 3 ఆదివారంతో 14 వారాల‌ను పూర్తి చేసుకుంది. రానున్న ఆదివారంతో బిగ్‌బాస్ సీజ‌న్ 3 పూర్తి కానుంది. ఈ వారంతో ఫైన‌ల్ విజేత ఎవ‌రో తేలిపోనుంది. 14వారానికి వ‌స్తే శివ‌జ్యోతి ఎలిమినేట్ అయ్యింది. రాహుల్‌, బాబా భాస్క‌ర్ ఫైన‌ల్‌కు చేరుకున్న సంగ‌తి తెలిసిందే. శ‌నివారం శ్రీముఖి ఫైన‌ల్‌కు చేరిన‌ట్లు ప్ర‌క‌టించారు. కాగా ఆదివారం వ‌రుణ్ సందేశ్‌, అలీరెజా, శివ‌జ్యోతి మ‌ధ్య జ‌రిగిన ఎలిమినేష‌న్‌లో శివ‌జ్యోతి త‌క్కువ ఓట్లు రావ‌డంతో ఎలిమినేట్ అయిన‌ట్లు నాగ్ ప్ర‌క‌టించారు. ఆదివారం హీరో విజ‌య్ దేవ‌ర‌కొండ బిగ్‌బాస్ హౌస్‌లో సంద‌డి చేశారు. ఈ వారం ఫైనల్‌కు రాహుల్‌, బాబా భాస్క‌ర్‌, శ్రీముఖి, అలీరెజా, వ‌రుణ్ సందేశ్‌లు చేరారు. బ‌లమైన కంటెస్టెంట్స్‌లో ఎవ‌రు విజేత‌గా నిలుస్తార‌నేది ఆస‌క్తిక‌రంగా మారింది.

మ‌రోసారి హేమ సంచ‌ల‌న ఆరోప‌ణ‌లు:

బిగ్‌బాస్ సీజ‌న్ 3లో కంటెంటెస్టెంట్‌గా ఎంట్రీ ఇచ్చి ఎలిమినేట్ అయిన హేమ‌... బిగ్‌బాస్ నిర్వాహ‌కుల‌పై సంచ‌ల‌న వ్యాఖ్య‌లు చేశారు. షో ఎడిట‌రే బిగ్‌బాస్ అని ఓ ఇంట‌ర్వ్యూలో చెప్పిన హేమ‌. షో నిర్వాహ‌కులు కేవ‌లం చెడుని మాత్ర‌మే చూపిస్తున్నార‌ని తెలిపారు. ఇత‌ర కంటెస్టెంట్స్‌లో శ్రీముఖి గ్లేమ్ ప్లాన్ వల్ల మిగిలినవారు దెబ్బ తింటున్నార‌ని హేమ అన్నారు. హిమ‌జ బ‌య‌ట‌కు వచ్చేసిన త‌ర్వాత తాను బిగ్‌బాస్ చూడ‌టం మానేశాన‌ని హేమ చెప్పారు. బిగ్‌బాస్‌పై చివ‌రి వారంకు ముందు హేమ ఇలాంటి వ్యాఖ్య‌లు చేయ‌డం ఎలాంటి ప్ర‌భావాన్ని చూప‌నుందో.