అంచనాలను పెంచేస్తున్న శతమానంభవతి పాటలు..!
- IndiaGlitz, [Monday,December 19 2016]
ఉత్త‌మాభిరుచి గ‌ల నిర్మాత దిల్ రాజు బ్యానర్ నుంచి వ‌స్తున్న మ‌రో కుటుంబ క‌థా చిత్రం శతమానంభవతి. ఈ చిత్రంలో శర్వానంద్, అనుపమ పరమేశ్వరన్ జంట‌గా న‌టించారు. వేగేశ్న సతీష్ ఈ చిత్రానికి ద‌ర్శ‌క‌త్వం వ‌హించారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మించిన ఈ చిత్రానికి మిక్కి జె మేయ‌ర్ సంగీతం అందించారు. సంక్రాంతికి ప్రేక్ష‌కుల ముందుకు రానున్న శతమానంభవతి పాట‌ల‌ను సినీ ప్ర‌ముఖుల స‌మ‌క్షంలో రిలీజ్ చేసారు. మూడు త‌రాలకు సంబంధించి ప్రేమానురాగాల‌ను తెలియ‌చేసే కుటుంబ క‌థాచిత్రంగా ఈ చిత్రాన్ని వేగేశ్న సతీష్ తెర‌కెక్కించారు.
ఈ చిత్రంలోని పాటలు వింటుంటే...దిల్ రాజు బ్యానర్ నుంచి వ‌స్తున్న మ‌రో మంచి సినిమా అనిపిస్తుంది. ఈ చిత్రంలోని సాంగ్స్ ..ఈ సాంగ్స్ కు త‌గ్గట్టు పిక్చ‌రైజేష‌న్ ఉండ‌డంతో ప్ర‌తి ఫ్రేమ్ చాలా క‌ల‌ర్ ఫుల్ గా, ఒక పెయింటింగ్ లా కనిపిస్తుంది. దీనికి తోడు సంక్రాంతి పండ‌గ అంటే...భోగి మంట‌లు, కొత్త బ‌ట్ట‌లు, హ‌రిదాసులు. ఇలా పల్లెటూరులో సంక్రాంతి ఎలా ఉంటుందో దానిని శతమానంభవతి రూపంలో తెర పైకి తీసుకువ‌చ్చిన‌ట్టు అనిపిస్తుంది. సో....సంక్రాంతికి చిరు, బాల‌య్య సినిమాలు రిలీజ్ అవుతున్న‌ప్ప‌టికీ శతమానంభవతి ఖ‌చ్చితంగా ప్రేక్ష‌కుల‌ను అల‌రించి విజ‌యాన్ని అందుకుంటుంది అనిపిస్తుంది.